एफिसी 5:29 - परमेश्‍वरए ताँ तमु क्युइर

²⁹ (खाबज्यै या ह्रोंसए ज्युलाइ हेल आल, बरु ख्रीष्‍टजी बिश्‍वासीमैंलाइ म्हाँया लब् धोंले ङ्योइ ह्रोंसए ज्युलाइ सुसर लसि चल् पिंम्।

एफिसी 5:29 ပူးပေါင်းရင်းမြစ်များ

उत्पत्ति 2:23

च च्हमिरि म्रोंसि म्हिइ बिइ, “चुम् ङए ह्रुइबए ह्रुइब, नेरो ङए सेए सेन् ग! चुने च्हमिरि बिब्मुँ, तलेबिस्याँ चु मुँयुँउँइँले ट्हुइब् ग।”

हितोपदेश 11:17

आगुए फिर ल्हयो खबै म्हिल छ्याँब तम्, दिलेया दयाम्हाँया आरेबै म्हिलाइ दुःख तम्।

मत्ती 23:37

“ओ यरूशलेमथेंमैं, अगमबक्‍तामैं सैब्मैं, धै परमेश्‍वरजी कुल्मिंबै स्यार्बोमैं युँमाइ प्रिंब्मैं। नगा आमाइ प्हसेंमैं प्ह्‍या न्होंर हुब् धोंले ल्‍हें खे ङइ क्‍हेमैंलाइ हुल् म्‍हैइ, दिलेया क्‍हेमैं ङ ङाँर खोंयोंइ या खल् आङिं!

मत्ती 6:26

मुर प्‍हुरबै नेमामैं ङ्‌ह्‍योद्। चमैंइ खेति या आल, रोमैं या आखु, चमैंला धन्‍सारमैं या आरे। दिलया क्‍हेमैंए स्वर्गर्बै परमेश्‍वर आबाजी चमैं चल् पिंम्। च नेमामैं भन्दा क्‍हेमैं झन् थेब आङिं वा?

रोमी 1:31

छ्याँब आछ्याँब फेलबै बुद्धि आरेब, लम् बिबै के आलब नेरो आगुए फिर ल्हयो आखब्मैं तइमुँ।

एफिसी 5:28

छलेन मुँयुँमैंज्यै या ह्रोंसए ज्युलाइ म्हाँया लब् धोंले ह्रोंसए प्‍ह्रेंस्‍योलाइ म्हाँया लल् त्‍हुम्, तलेबिस्याँ खाबइ ह्रोंसए प्‍ह्रेंस्‍योलाइ म्हाँया लमुँ, चइ ह्रोंसलाइन म्हाँया लम्।

एफिसी 5:30

तलेबिस्याँ ङ्यो येशू ख्रीष्‍टए ज्युर्बै भागमैं ग।)

एफिसी 5:31

परमेश्‍वरए छ्वेर छले प्ह्रिइमुँ: “मुँयुँइ ह्रोंसए आबा-आमा पिसि ह्रोंसए प्‍ह्रेंस्‍योने क्ह्रिसि टिब्मुँ, धै चमैं ङ्हिं घ्रिन् तब्‍मुँ।”