एफिसी 5:27 - परमेश्‍वरए ताँ तमु क्युइर

²⁷ बिश्‍वासीमैंलाइ पबित्र, छ्याब् आरेब, दाग आरेब, आच्युँब, तोइ खोट आरेब तसि ह्रोंसए ल्हागिर छ्याँबै प्ह्रेंस्यो लबर खीजी ह्रोंसए ज्यु पिंइ।

एफिसी 5:27 ပူးပေါင်းရင်းမြစ်များ

भजनमैं 45:13

म्रुँए च्हमि ह्रोंसए कोठार टिमा कति छ्याँब मुँ! चए क्वेंरै या माराइन बुट्टा प्रिंइमुँ।

भजनमैं 87:3

ओ परमेश्‍वरए सहर, क्हिए बारेर छ्याँब बयन लइमुँ। तिस्याँदे मैंन्

२ कोरिन्थी 11:2

तलेबिस्याँ क्‍हेमैं कन्‍ये धों तब् ग, ख्रीष्‍टने बालुन् ब्ह्‍या लमिंबै ल्हागिर ङइ क्हेमैंलाइ ह्रिथेंइमुँ। छतसि क्‍हेमैंए फिर्बै ङए ह्रिस परमेश्‍वरल् धोंन् तबै ह्रिस ग।

२ कोरिन्थी 4:14

येशू ख्रीष्‍टलाइ सिबउँइँले सोगों लमिंबै परमेश्‍वरजी ङिलाज्यै या येशू ख्रीष्‍टने घ्रिन् लसि सिबउँइँले सोगों लमिंब्‍मुँ, धै खीजी ङिलाइ क्‍हेमैंने बालुन् खीए ङाँर बोब्‍मुँ बिब ङि सेइमुँ।

एफिसी 1:4

च आशिकमैं तो जा बिस्‍याँ, ङ्यो परमेश्‍वरए उँइँर छ्याँबै छ्ह थोल् खाँरिगे बिसि चु ह्‍युल बनेब् भन्दा ओंसोंन् ख्रीष्‍टने घ्रिन् लसि खीजी ङ्योलाइ त्‍हाँइ।

कलस्सी 1:22

दिलेया खीए उँइँर तोइ छ्याब् आरेल्‍ले पबित्र लमिंबै ल्हागिर म्हिए क्हो किंसि युबै ख्रीष्‍ट क्रूसर सिमिंबइले परमेश्‍वरजी क्‍हेमैं खीने क्ह्रिल् लमिंइमुँ।

कलस्सी 1:28

ताँन् म्हिमैं ख्रीष्‍टर भोंसि तरिगे बिसि ङिइ ख्रीष्‍टउँइँले खबै बुद्धिए ताँमैं लोमिंदै ताँन् म्हिमैंने न्ह क्रों मि क्रोंले टिद् बिम्।

१ थेसलोनिकी 5:23

शान्ति पिंबै परमेश्‍वरजी ताँन् सैर क्‍हेमैंलाइ पबित्र लमिंरिगे, धै ङ्योए प्रभु येशू युबै त्हेर क्हेमैंए ज्यु, सैं, खों, बेल्‍ले छ्याँब नेरो खोट आरेब तरिगे।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

१ पत्रुस 1:19

दिलेया तोइ खोट नेरो तोइ छ्याब् आरेबै क्यु झज धों तसि ख्रीष्‍टजी को पिंसि क्हेमैंलाइ खामिंइमुँ।

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।

यहूदाइ प्‍ह्रिबै प्ह्रिछ्या 1:24

क्‍हेमैंलाइ पापर च्होवाबै सैउँइँले परमेश्‍वरजी जोगेल् खाँम्, धै तोइ छ्याब् आरेब् लमिंसि परमेश्‍वरए उँइँर सैं तोंन्ले टिल् योंब लमिंल् खाँम्।

दर्शन 14:4

चुमैं च्हमिरिमैंने आन्‍होंल्‍ले टिब्‍मैं ग। क्‍यु च्हज खनि खनि ह्‍यामुँ, चुमैं या खीए लिलिन् ह्‍यामल। चुमैं परमेश्‍वर नेरो क्‍यु च्हजए ल्हागिर म्हिमैंए न्होंउँइँले खासि ओंसोंबै रोए फुइ धोंले त्हाँब्मैं ग।