एफिसी 5:26 - परमेश्‍वरए ताँ तमु क्युइर

²⁶ बिश्‍वासीमैंलाइ पबित्र लबर ख्रीष्‍टजी ह्रोंसए बचनउँइँले नेरो क्युइ ख्रुसि चोखो लमिंइ।

एफिसी 5:26 ပူးပေါင်းရင်းမြစ်များ

यूहन्‍ना 13:10

येशूजी चने बिइ, “ख्रुल् खाँबै म्हिला प्हले मत्‍त्रे ख्रुल् त्हुम्, चए अरू ज्यु ताँन् चोखो मुँ। क्हेमैं चोखो मुँ, दिलेया ताँनन् आङिं।”

यूहन्‍ना 15:3

ङइ क्हेमैंने बिबै ताँमैंउँइँले क्हेमैं ओंसोंन् चोखो तल् खाँइमुँ।

यूहन्‍ना 15:8

क्‍हेमैंइ ल्हें रोमैं रोसि ङए चेलामैं ग बिसि उँइँमिंइ बिस्याँ ङए आबाए मिं थेब तब्मुँ।

यूहन्‍ना 17:7

क्हिजी ङलाइ पिंबै तोन्दोंरि सै क्हिउँइँले युब् ग बिसि चमैंइ तोगो था सेइमुँ।

यूहन्‍ना 3:5

येशूजी बिइ, “क्‍ह्रोंसेंन ङ क्‍हिने बिमुँ, क्‍यु नेरो परमेश्‍वरए प्ल्हउँइँले आफिइ बिस्याँ खाबै या परमेश्‍वरए ग्याल्सर होंल् आखाँ।

चेला चिब्मैंए केमैं 22:16

छतसि तारे तले क्हैल् लरिमुँ? रेद्! येशूए मिं किंसि ह्रोंसए आछ्याँबै केमैं ख्रुवाबर क्युर प्ल्हुँसि बप्‍तिस्मा किंन्।’

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

रोमी 10:8

बरु ठिमए ताँ चु ग, “परमेश्‍वरए ताँ क्‍हेमैंए ङाँर्न मुँ। क्‍हेमैंए सुँ नेरो सैं न्‍होंर्न मुँ।” ङिइ म्हिमैंने बिमिंबै ताँ: येशूए फिर बिश्‍वास लद् बिबै सैं तोंबै ताँ ग।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

२ कोरिन्थी 11:2

तलेबिस्याँ क्‍हेमैं कन्‍ये धों तब् ग, ख्रीष्‍टने बालुन् ब्ह्‍या लमिंबै ल्हागिर ङइ क्हेमैंलाइ ह्रिथेंइमुँ। छतसि क्‍हेमैंए फिर्बै ङए ह्रिस परमेश्‍वरल् धोंन् तबै ह्रिस ग।

एफिसी 6:17

झाइले तो सैज्यै या क्रर आटरिगे बिसि पैए कुले कुब् धोंलेन् परमेश्‍वरजी ङ्योलाइ जोगेमिंइमुँ बिसि खैलसे था सेद्। धै पबित्र प्ल्हजी पिंबै सेलाँ छेद्। च तो जा बिस्याँ परमेश्‍वरए बचन ग।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 10:10

तलेबिस्याँ येशू ख्रीष्‍टजी परमेश्‍वरए सैंर मैंबै ताँ पूरा लमिंइ। छतसि येशू ख्रीष्‍टजी खीए ज्यु खोंयोंइ तरिबै ख्रो तिब्ले पिंबइले ङ्यो पबित्र लमिंइमुँ।

हिब्रू 10:14

तलेबिस्याँ खीजी पबित्र लमिंबै म्‍हिमैंलाइ खोंयोंइ तरिबै ख्रो घ्रिउँइँलेन् पबित्र लमिंइमुँ।

हिब्रू 10:22

छतसि ङ्योए आछ्याँबै सैंमैं चोखो लसि पबित्र क्युइ ङ्योए ज्यु ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 13:12

छलेन येशूज्यै खीए ह्रोंसए कोउँइँले म्‍हिमैं पापउँइँले फ्रेमिंसि पबित्र लमिंबै ल्हागिर खिइ या सहरए बैरु दु:ख नोइ।

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।

२ पत्रुस 1:9

दिलेया छाबै बानि ब्योर आरेबै म्‍हिमैं बिस्याँ कनमैं धों तम्, ओंसों ङइ लबै पापउँइँले ङ ख्रुवाल् खाँइमुँ बिबै ताँ चमैंइ म्‍लेयाइमुँ।

१ यूहन्‍ना 5:6

येशू ख्रीष्‍टजी क्युर प्ल्हुँसि बप्‍तिस्‍मा किंइ, धै क्रूसर सिमिंसि ह्रोंसए को पिंइ। छतसि खी म्हि तसि ह्‍युलर युइ बिबै ग्वाइ पिंब्मैं क्यु नेरो को ग। क्युउँइँले मत्‍त्रे आङिं, क्यु नेरो कोउँइँले युइ। खीए ग्वाइ पबित्र प्ल्हज्यै या ग्वाइ पिंइमुँ, तलेबिस्याँ पबित्र प्ल्हजी स्योर आते।

यहूदाइ प्‍ह्रिबै प्ह्रिछ्या 1:1

येशू ख्रीष्‍टए के लबै म्हि ङ याकूबए अलि यहूदाउँइँले परमेश्‍वरजी खोसि त्‍हाँबै म्‍हिमैंलाइ जय मसीह मुँ। परमेश्‍वर आबाजी क्हेमैंलाइ म्हाँया लइमुँ, धै येशू ख्रीष्‍टजी क्हेमैंलाइ रक्षा लथेंइमुँ।