एफिसी 5:23 - परमेश्‍वरए ताँ तमु क्युइर

²³ ख्रीष्‍ट बिश्‍वासीमैंए क्र तब् धोंले प्युँ प्‍ह्रेंस्‍योए क्र ग। धै बिश्‍वासीमैंलाइ जोगेमिंब ख्रीष्‍टन् ग, धै बिश्‍वासीमैं खीए ज्युन् ग।

एफिसी 5:23 ပူးပေါင်းရင်းမြစ်များ

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ कोरिन्थी 6:13

छलेन खाबज्‍यै या “चबै सै फोए ल्हागिर ग, धै फो चबै सैए ल्हागिर ग,” बिलै। दिलेया परमेश्‍वरजी ङ्हिंना ङ्हिंनलाइ नास लवाब्‍मुँ। म्‍हिए ज्यु ब्यभिचार लबै ल्हागिर आङिं, प्रभुए सेवा लबै ल्हागिर ग, झाइले ङ्योए ज्युलाइ चैदिबै सै या प्रभुजीन् पिंम्।

एफिसी 4:15

बरु ङ्योइ म्हाँया लसि खोंयोंइन क्‍ह्रोंसेंन्‍बै ताँ पोंसि ङ्यो तोन्दोंरि सैर बडिसि बिश्‍वासीमैंए क्र ख्रीष्‍ट धोंन् तल् त्‍हुम्।

एफिसी 5:24

छतसि बिश्‍वासीमैं ख्रीष्‍टए न्होंर टिब् धोंले प्‍ह्रेंस्‍योमैं या सैं न्होंउँइँले ह्रों-ह्रोंसए प्‍युँए न्होंर टिल् त्‍हुम्।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

दर्शन 19:7

छतसि ङ्यो बेल्‍ले सैं तोंले, खीलाइ थेब लले। तलेबिस्याँ क्‍यु च्हजए ब्ह्‍या लबै त्हिंइ खइमुँ। क्‍यु च्हजए प्‍ह्रेंस्‍योइ ह्रोंसलाइ पैरिदिइमुँ।

दर्शन 5:9

झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्‍ह्‍योबै लायकर्बै क्‍हि मुँ। तलेबिस्याँ म्‍हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्‍मैंउँइँले, ताँन् ह्‍युलर्बै म्हिमैंउँइँले नेरो ताँन् ह्रेंमैंउँइँले, क्‍हिए कोजी परमेश्‍वरए ल्हागिर क्हिजी म्हिमैंलाइ खामिंइ।