एफिसी 5:21 - परमेश्‍वरए ताँ तमु क्युइर

²¹ ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

एफिसी 5:21 ပူးပေါင်းရင်းမြစ်များ

उत्पत्ति 16:9

याहवेहए स्वर्गदूतजी चने बिइ, “क्हिए नेब्स्यो ङाँर एसि ह्‍याद्, धै चए न्होंर टिद्।”

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

१ कोरिन्थी 16:16

छतसि ओ अलि-अङाँमैं, क्‍हेमैं या छाबै म्‍हिमैं नेरो चमैंने क्ह्रिसि छलेन् के लब्‍मैंइ बिबै ताँमैं ङिंन् बिसि ङ क्‍हेमैंने यो छ्युँ लम्।

२ कोरिन्थी 5:11

छतसि परमेश्‍वरने ङ्हिंल् त्हुम् बिब् सेसि ङिइ अरू म्‍हिमैंलाइ प्रभुए बारेर लोमिंम्। ङि खैब मुँ बिब परमेश्‍वरजी सेइमुँ, झाइले ङिइ खैले छ्ह थोइमुँ बिब क्‍हेमैंइ छेनाले था सेरिगे बिब ङए सैंर मुँ।

२ कोरिन्थी 7:1

ओ ङइ खोबै अलि-अङाँमैं, चु ताँन् बाछामैं ङ्योए ल्हागिर्न ग। छतसि ङ्योए ज्यु नेरो सैं पापर च्होवाबै सैमैंउँइँले ङ्यो स्‍यो तले। झाइले ङ्यो परमेश्‍वरने ङ्हिंसि खीए उँइँर ज्युर सैंर छ्याँब् ततै ह्‍याले।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

एफिसी 5:22

ओ च्हमिरिमैं, प्रभुए न्होंर टिब् धोंलेन् ह्रोंसए प्‍युँए न्होंर टिद्।

एफिसी 5:24

छतसि बिश्‍वासीमैं ख्रीष्‍टए न्होंर टिब् धोंले प्‍ह्रेंस्‍योमैं या सैं न्होंउँइँले ह्रों-ह्रोंसए प्‍युँए न्होंर टिल् त्‍हुम्।

फिलिप्पी 2:3

ह्रोंसए फायदाए ल्हागिर मत्‍त्रे तोइ आलद्। तोन् तोर्न थेब प्हैंदै तोइ आलद्, बरु ह्रोंसन् च्‍योंने तसि घ्रिइ घ्रिलाइ ह्रोंस भन्दा थेब् मैंन्।

१ तिमोथी 2:11

च्हमिरिमैंइ च्याँले टिसि छेनाले लोरिगे।

१ तिमोथी 3:4

छलेन च ह्रोंसए धिंर्बै चाँजो छेनाले लल् खाँब नेरो प्हसेमैं छेनाले लोदा सैंदा लसि ह्रोंसइ बिबै ताँ प्हसेमैंइ ङिंब लल् खाँरिगे।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

१ पत्रुस 2:13

छतसि प्रभुए मिं आह्‍यारिगे बिसि म्हिमैंइ थेंबै शासकमैं नेरो म्रुँए न्होंर टिद्।

१ पत्रुस 2:17

ताँन् म्‍हिमैंलाइ मान लद्। येशूए फिर बिश्‍वास लबै अलि अङाँमैंलाइ म्हाँया लद्, परमेश्‍वरने ङ्हिंन्, धै म्रुँलाइ मान लद्।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”