एफिसी 5:14 - परमेश्‍वरए ताँ तमु क्युइर

¹⁴ छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

एफिसी 5:14 ပူးပေါင်းရင်းမြစ်များ

लूका 1:78

तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

लूका 15:24

तलेबिस्याँ चु ङए च्‍ह सियाल, दिलेया सोसि खइ; म्‍हयाल, दिलेया योंइ।’ छतसि चमैं सैं तोंदै भत्‍यार लसि चब् थुँब लबर होंइ।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

यूहन्‍ना 9:5

ङ ह्‍युलर मुँरिन् समा ङ ह्‍युलर्बै चारबै ह्‍वे ग।”

चेला चिब्मैंए केमैं 13:47

तलेबिस्याँ प्रभुजी ङिने छान् लद् बिइमुँ: ‘पृथ्‍बी तिगोंन् मुक्‍ति योंबै ताँमैं बिमिंबर अरू ह्रेंमैंए ल्हागिरि ह्‍वे तबर ङइ क्‍हि त्हाँइमुँ।’”

रोमी 6:13

छलेन ह्रोंसए ज्युर्बै भागमैंलाइ पाप केमैं लबर आल्हैदिद्। बरु सिबइले धबै सोगों तबै म्‍हि धोंले छ्याँबै के लबै ल्हागिर ह्रोंसलाइन परमेश्‍वरए योर पिंवाँन्।

१ कोरिन्थी 15:34

सैं चित्, तारे पिरु पाप के आलद्। छाबै आछ्याँबै केमैं क्‍हेमैंए ल्हागिर फापिन् तबै ताँ ग। छतसि चु ताँ ङइ क्हेमैंने बिल् त्हुम्, तलेबिस्याँ क्‍हेमैंए न्‍होंरि को-कोइ म्हिमैंइ परमेश्‍वरलाइ छेनाले ङो आसेइमुँ।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

एफिसी 2:1

ओंसों क्हेमैं परमेश्‍वरजी बिब् आङिंसि ह्रोंसइ लबै आछ्याँबै केमैंइ लमा सियाब् धोंन् तल।

एफिसी 2:5

छतसि ङ्योइ पाप लसि सिल् त्हुलेया खीजी ङ्योलाइ ख्रीष्‍टने बालुन् सोगों लमिंइ। परमेश्‍वरए थेबै दयाम्हाँयाजी क्‍हेमैंलाइ जोगेमिंइमुँ।

कलस्सी 3:1

क्‍हेमैं ख्रीष्‍टने बालुन् सोगों तसि रेइमुँ! छतसि स्‍वर्गर्बै सैमैं म्हैद्। स्‍वर्गर परमेश्‍वरए क्‍योलोउँइँ ख्रीष्‍ट येशू टिइमुँ।

१ थेसलोनिकी 5:6

छतसि अरूमैं धोंले ङ्यो न्‍हरु आच्‍हुइल्‍ले बरु न्ह क्रों मि क्रोंले टिले।

२ तिमोथी 1:10

चु दयाम्हाँया ङ्यो मुक्‍ति पिंबै येशू ख्रीष्‍ट युसि उँइँमिंइँमुँ। खीजी कालए फिर ट्होगों तसि खोंयोंइ आखाँबै छ्हलाइ सैं तोंबै ताँउँइँले था सैमिंइमुँ।

२ तिमोथी 2:26

छलेन चमैंए मि थोंयाबइले चमैं दुष्‍टए ङोउँइँले स्योरल् खब्मुँ, तलेबिस्याँ दुष्‍टइ चमैंलाइ क्ह्रोंसेंन्बै ताँ क्होल् आखाँब लथेंल।