एफिसी 4:30 - परमेश्‍वरए ताँ तमु क्युइर

³⁰ परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।

एफिसी 4:30 ပူးပေါင်းရင်းမြစ်များ

उत्पत्ति 6:3

छतमा याहवेहजी बिइ, “ङइ म्हिमैंलाइ खोंयोंन् बिलै सोल् पिंरिब् आरे, तलेबिस्याँ म्हि सिल् त्हुब्मुँ। तारेसेरो चमैं प्रसे ङ्हिस्यु बर्ष मत्‍त्रे सोब्‍मुँ।”

उत्पत्ति 6:6

छतमा “ङइ तले म्हिमैं बनेसि पृथ्बीर थेंगे?” बिसि याहवेहजी पछुत लसि बेल्‍ले सैं नइ।

भजनमैं 78:40

क्यु आयोंबै क्‍ल्‍ह्‍योर चमैंइ ल्हें खे खीए बिरोध लइ, धै तोइ आकेबै क्‍ल्‍ह्‍योर खीए सैं नल् लइ!

भजनमैं 95:10

छतसि च त्हेर्बै म्हिमैंने ङ प्लिच्यु बर्ष समा बेल्‍ले ह्रिस खसि बिइ, ‘चु म्हिमैंइ ङए घ्याँ आसेइमुँ, चुमैंए सैं ङ ङाँइले ह्रेंगो तयाइमुँ।’

मर्कूस 3:5

च म्‍हिमैंए छाबै सारो सैं म्रोंसि येशूए सैं नसि ह्रिस खइ। धै चर खागु तबै म्हिमैं ङाँइ ङ्‌ह्‍योसि च नबै म्‍हिने “क्‍हिए यो स्‍योंन्!” बिमा च म्‍हिइ यो स्‍योंइ। धै स्योंबै तोदोंन् चए यो सयाइ।

लूका 21:28

छाबै ताँ तबर होंमा क्‍हेमैं रेसि क्र कैंडु लद्। तलेबिस्याँ च त्‍हेर्न क्‍हेमैं जोगेमिंबै त्‍हे चेंदो तब्‍मुँ।”

यूहन्‍ना 3:33

दिलेया खीए ताँ क्वेंब्मैंइ परमेश्‍वर क्ह्रोंसेंन्बै मुँ बिसि प्रमाण पिंम्।

चेला चिब्मैंए केमैं 7:51

“ओ, आच्योबै म्हिमैं, सारो सैं प्ह्‍‍याब्मैं नेरो न्ह आथेब्मैं! क्हेमैंइ खोंयोंन् बिलै पबित्र प्ल्हए बिरोध लइमुँ। क्हेमैंए खेमैंइ लब् धोंले क्हेमैंज्यै या छान् लइमुँ।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

१ कोरिन्थी 15:54

खैम नास तयाबै सैइ नास आतबै सै नेरो सिल् त्हुबै ज्युइ सिल् आत्हुबै ज्यु खिमुँ, च्हमन् परमेश्‍वरए छ्वेर प्‍ह्रिबै ताँ पूरा तम्, “ओ काल, परमेश्‍वरजी क्हिलाइ ट्होवाल् खाँइमुँ!”

१ थेसलोनिकी 5:19

परमेश्‍वरए प्ल्हजी बिब क्‍हेमैंइ ङिंनु।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 3:10

छतब् म्रोंसि ङ बेल्‍ले ह्रिस खसि बिइ, ‘चमैंए सैं खोंयोंन् बिलै ङ ङाँइले ह्रेंगोन् तरिम्, चमैंइ ङए घ्याँ आसेइमुँ।’

हिब्रू 3:17

परमेश्‍वर प्‍लिच्‍यु बर्ष समा खाबने ह्रिस खल? च पाप लब्‍मैंने आङिं वा? चमैं क्यु आयोंबै क्ल्ह्‍योर सियाल् खाँल।