27 दुष्टलाइ मौका आपिंन्।
दिलेया पत्रुसइ चने बिइ, “ओ हननिया, क्ल्ह्यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्टइ क्हिए सैंर खैले झोंमिंइ?
ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्मुँ,” बिसि छ्वेर प्ह्रिइमुँ।
दुष्टए बिरोधर राल् खाँबै ल्हागिर परमेश्वरए बचन खोंयोंन् बिलै क्हेमैंए सैंर थेंन्।
धै दुष्टइ पिबै मि प्हैंइ ह्रोंसलाइ आटबै ल्हागिर खोंयोंन् बिलै परमेश्वरए फिर्बै बिश्वासर भोंब तरिदु।
छतसि परमेश्वरजी बिब ङिंन्, दुष्टए ताँ आङिंन्। छलस्याँ दुष्ट क्हेमैंउँइँले न्हेह्याम्।
बरु न्ह क्रों मि क्रोंले टिद्, तलेबिस्याँ क्हेमैंए शत्तुर दियाबलस बिबै दुष्ट खाबलाइ सैसि चब् ङ्हे बिसि सिंह धोंले बेल्ले थेबै कै तेदै स्युर प्रम्।
