एफिसी 4:26 - परमेश्‍वरए ताँ तमु क्युइर

²⁶ ह्रिस खनाबिलेया पाप केमैं आलद्। ह्रिस खलेया त्हिंयाँ लिब् भन्दा ओंसोंन् क्हेमैंए ह्रिस म्हल् त्हुम्।

एफिसी 4:26 ပူးပေါင်းရင်းမြစ်များ

भजनमैं 37:8

ह्रिस आलद्, ह्रिस लब पिवाद्। सैं च्योंब् आलद्, छाबै बानि ब्योरइ आछ्याँबै घ्याँउँइँ ल्हैदिवाम्।

भजनमैं 4:4

ङ्हिंसि त्हारद् धै पाप आलद्; क्ल्ह्‍योर रोमा ह्रों-ह्रोंसए खोंर चु ताँ मैंन्, धै च्याँ तद्। तिस्याँदे मैंन्

प्रस्थान 11:8

झाइले मोशाइ म्रुँने बिइ, “क्हिए के लब्मैं ङ ङाँर खसि फ्योसि ‘क्हि नेरो क्हिए लिलि ल्हैदिबै ताँन् म्हिमैं त्होंह्‍याद्!’ बिब्मुँ। च लिउँइँ ङ त्होंह्‍याब्मुँ।” च्हौ बिसि मोशा बेल्‍ले ह्रिस खसि फारोउँइँले त्होंह्‍याइ।

हितोपदेश 14:29

युनन् ह्रिस आखबै म्हि बुद्धि मुँबै म्हि ग, दिलेया युनन् ह्रिस खबै म्हि आमादु ग।

हितोपदेश 19:11

च्हैंब् मैंब् लल् खाँबै म्हिइ ह्रिस थाम्दिल् खाँम्, आगुइ सैं नल् ललेया तोइ आङ्हाँब चए ल्हागिर छ्याँब ग।

हितोपदेश 25:23

उतरउँइँले युबै खैंइ नाँ स्योवाब् धोंले स्योलिबै ताँ पोंबै लेइ ह्रिस खल् लम्।

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

मर्कूस 10:14

छ लब् म्रोंसि येशू ह्रिस खसि चेलामैंने बिइ, “च्योंब कोलोमैं ङ ङाँर खल् पिंन्, चमैंलाइ आक्वेद्, तलेबिस्याँ परमेश्‍वरए ग्याल्स छाबै कोलोमैंलन् ग।

मर्कूस 3:5

च म्‍हिमैंए छाबै सारो सैं म्रोंसि येशूए सैं नसि ह्रिस खइ। धै चर खागु तबै म्हिमैं ङाँइ ङ्‌ह्‍योसि च नबै म्‍हिने “क्‍हिए यो स्‍योंन्!” बिमा च म्‍हिइ यो स्‍योंइ। धै स्योंबै तोदोंन् चए यो सयाइ।

याकूब 1:19

ओ ङए खोबै अलि-अङाँमैं, क्हेमैं ताँनइ चु ताँ सेल् त्हुम्, ताँन् म्हिमैं छिट्ले ङेंब, क्हैल्‍ले पोंल् त्हुम्, धै युनन् ह्रिस खल् आत।

याकूब 1:20

तलेबिस्याँ ह्रिस खबै म्हिइ परमेश्‍वरए के छेनाले लल् आखाँ।