एफिसी 4:24 - परमेश्‍वरए ताँ तमु क्युइर

²⁴ झाइले छारा छ्याँबै क्‍वें खिब् धोंले परमेश्‍वरल् धों तबै छ्याँबै बानि ब्योर क्हेमैंल् तरिगे।

एफिसी 4:24 ပူးပေါင်းရင်းမြစ်များ

उत्पत्ति 5:1

आदमए बंशमैं चुमैंन् ग। परमेश्‍वरजी म्हि बनेमा खीजी ह्रोंस धोंबन् बनेइ। खीजी मुयुँ नेरो च्हमिरि बनेइ।

लूका 1:75

छतसि ङ्यो आङ्हिंनाले ह्रोंसए छ्ह तिगोंन् परमेश्‍वरए के छेनाले लसि खीए उँइँर छ्याँबै छ्ह थोल् खाँरिगे बिबै ताँ ओंसोंन् पोंल।

यूहन्‍ना 17:17

क्हिए ताँ क्ह्रोंसेंन्ब ग। छतसि क्हिए क्ह्रोंसेंन्बै ताँउँइँले चमैं क्हिए पबित्र म्हिमैं लमिंन्।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

रोमी 13:12

म्‍हुँइँस ह्‍याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्‍वरए ह्‍वेर टिसि छ्याँबै के लद्, हत्‍यारमैं छेसि पापने नेद्।

रोमी 13:14

बरु येशू ख्रीष्‍ट धोंन् तबर भों लद्, धै ह्रोंसए सैंउँइँले खबै आछ्याँबै इच्‍छामैं पिवाद्।

रोमी 6:4

छतसि ङ्योइ बप्‍तिस्‍मा किंमा येशूने बालुन् सिसि पाइ, धै थेबै शक्‍ति मुँबै परमेश्‍वर आबाजी येशू ख्रीष्‍टलाइ सिबउँइँले धबै सोगों लमिंइ, छतसि ङ्योइ ओंसों लब् धोंबै आछ्याँबै केमैं पिसि छ्याँबै केमैं लल् त्हुम्।

रोमी 7:6

दिलेया तारे ङ्योलाइ फैथेंबै ठिमए लेखि ङ्यो सियाइमुँ। छतसि ङ्यो ठिमइ बिब् धोंले ओंसोंबै तरिकाले आङिं, परमेश्‍वरए प्ल्हजी लोमिंब् धोंले छारा तरिकाले सेवा लम्।

रोमी 8:29

तलेबिस्याँ खीए च्‍ह येशू ल्हें अलि-अङाँमैं न्‍होंर्बै च्ह थेब तरिगे बिसि खीजी ओंसोंन् ङो सेबै म्‍हिमैंलाइ ह्रोंसए च्‍ह-च्हमिमैं लबै ल्हागिर त्हाँइ।

१ कोरिन्थी 15:53

तलेबिस्याँ नास तल् त्हुबै सैइ नास आतबै सै नेरो सिल् त्हुबै ज्युइ क्वें खिब् धोंले खोंयोंइ आसिबै ज्यु खिल् त्‍हुम्।

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

२ कोरिन्थी 4:16

छतसि ङि सैं च्योंब आल। ङिए ज्युर्बै भों नु-नुइ ह्‍यालेया ङिए सैं त्हिंइ ह्रोंसे भोंब् ततै ह्‍याम्।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

गलाती 3:27

तलेबिस्याँ क्‍हेमैं बप्‍तिस्‍मा किंब्मैं ख्रीष्‍टने घ्रिन् तइमुँ। छतसि छारा क्‍वें खिब् धोंलेन क्हेमैंइ ख्रीष्‍टए छ्याँबै बानि किंइमुँ।

गलाती 6:15

छतसि ज्युर चिनु ललेया आललेया तोइ आत, बरु छारा छ्ह योंसि छारा म्‍हि तब ताँन् भन्दा थेबै ताँ ग।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

एफिसी 2:15

खीजी यहूदी नेरो अरू ह्रेंर्बै म्हिमैंलाइ क्ह्रिमिंसि छारा ह्रें घ्रि लबर खीए ज्युर यहूदीमैंए ठिम नेरो ठिमइ लद् बिबै ताँन् छ्यामैं म्हाँदिल् आत्हुब लमिंइ।

एफिसी 6:11

दुष्‍टए बिरोधर राल् खाँबै ल्हागिर परमेश्‍वरए बचन खोंयोंन् बिलै क्हेमैंए सैंर थेंन्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 1:8

दिलेया च्‍हए बारेर बिस्‍याँ खीजी छ बिइमुँ, “ओ परमेश्‍वर, क्‍हिए ग्याल्स खोंयोंन् बिलै तरिब्‍मुँ। क्‍हिजी छेनाले निसाफ लसि ग्याल्स लम्।

हिब्रू 12:14

ताँन् म्‍हिमैंने क्ह्रिब भों लद्, धै पबित्रले छ्ह थोबै सैं लद्। छले छ्ह आथोस्‍याँ खाबज्‍यै या प्रभु म्रोंल् आखाँ।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।

२ पत्रुस 1:4

छलेन ह्रोंसए सैंउँइँले खबै आछ्याँबै केमैं लब् पिरिगे, धै क्हेमैंइ छ्याँबै बानि ब्योरउँइँले परमेश्‍वरजी लब् धोंबै छ्याँबै केमैं लरिगे बिसि खीजी बाछा फैब् धोंले ङ्योलाइ सै ल्हें फेबै बरदानमैं पिंइमुँ।