एफिसी 4:23 - परमेश्‍वरए ताँ तमु क्युइर

²³ तारे पबित्र प्ल्हजी क्हेमैंए सैं छारा लमिंरिगे।

एफिसी 4:23 ပူးပေါင်းရင်းမြစ်များ

भजनमैं 51:10

ओ परमेश्‍वर, ङए खों छ्याँब लमिंन्, धै ङलाइ ठिक सैं पिंन्।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

रोमी 6:4

छतसि ङ्योइ बप्‍तिस्‍मा किंमा येशूने बालुन् सिसि पाइ, धै थेबै शक्‍ति मुँबै परमेश्‍वर आबाजी येशू ख्रीष्‍टलाइ सिबउँइँले धबै सोगों लमिंइ, छतसि ङ्योइ ओंसों लब् धोंबै आछ्याँबै केमैं पिसि छ्याँबै केमैं लल् त्हुम्।

रोमी 8:6

ओंसोंबै बानिए इच्‍छार सैं ह्‍यास्याँ म्‍हि सिम्, परमेश्‍वरए प्ल्हए इच्‍छार सैं ह्‍यास्याँ म्‍हिइ छारा छ्ह नेरो शान्‍ति योंम्।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

कलस्सी 3:10

छतसि छारा बानि योंसि तारे क्हेमैंइ छ्याँबै सैं प्ह्‍यासि छारा म्‍हिमैं तइमुँ। धै क्हेमैंइ खीलाइ छेनाले ङो सेरिगे बिसि परमेश्‍वरजी चु छाबै छारा म्हि बनेसि खी धोंबन् लमिंरिइमुँ।

तीतस 3:5

खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।