एफिसी 4:20 - परमेश्‍वरए ताँ तमु क्युइर

²⁰ दिलेया ख्रीष्‍टउँइँलेम् क्‍हेमैंइ छाबै ताँमैं आलोइमुँ।

एफिसी 4:20 ပူးပေါင်းရင်းမြစ်များ

मत्ती 11:29

ङए खर्गु नोद्, धै ङने बालु लोद्, तलेबिस्याँ ङ ताँनए फिर ल्हयो खम्, धै ङ थेब् आप्‍हैं। छतसि क्‍हेमैंए सैंर छिं ङ्हाँल् योंब्मुँ।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 6:45

‘ताँन् म्हिमैंलाइ परमेश्‍वरजीन् लोमिंब्मुँ,’ बिसि अगमबक्‍तामैंइ परमेश्‍वरए छ्वेर प्‍ह्रिथेंइँमुँ। धै परमेश्‍वर आबाजी बिबै ताँ थेब्मैं नेरो लोब्मैं ङ ङाँर खम्।

एफिसी 4:21

क्हेमैंइ येशू ख्रीष्‍टउँइँले खबै ताँ थेइ, आङिं वा? खीउँइँले परमेश्‍वरए बारेर्बै क्‍ह्रोंसेंन्‍बै ताँ क्हेमैंइ सेइमुँ।

१ यूहन्‍ना 2:27

दिलेया ख्रीष्‍टजी ह्रोंसए पबित्र प्ल्हजी क्‍हेमैंलाइ प्लिंमिंइमुँ, छतसि क्‍हेमैंलाइ अरू लोमिंबै म्‍हि आचैदि। ताँन् सैए बारेर खीए प्ल्हजी क्‍हेमैंलाइ लोमिंम्, खीजी लोमिंबै ताँ क्ह्रोंसेंन्बै ग, स्‍योर आङिं। छतसि पबित्र प्ल्हजी लोमिंबै ताँमैं ङिंनु, धै छ्ह तिगोंन् ख्रीष्‍टनेन् घ्रिन् तसि प्रद्।