एफिसी 4:10 - परमेश्‍वरए ताँ तमु क्युइर

¹⁰ चु पृथ्‍बीर तयुबै म्हि (येशू) ताँन् स्वर्गमैं भन्दा कैंडो क्रेयाइ। तारे खीजी ह्‍युलर मुँबै ताँन् सैमैं खीए सैंर मैंब् धोंलेन् तल् पिंम्।

एफिसी 4:10 ပူးပေါင်းရင်းမြစ်များ

मत्ती 24:34

क्ह्रोंसेंन ङ क्हमैंने बिमुँ, चु ताँमैं ताँन् पूरा आतन् समा चु पुस्‍ता म्‍हरिब आरे।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 1:16

खी दयाम्हाँयाइ प्लिंबइले ङ्योइ दयाम्हाँया फिर झन् थेबै दयाम्हाँया योंइँमुँ।

यूहन्‍ना 19:24

छतसि चमैंइ खेंमैंए न्होंर बिइ, “चु क्वें आट्होले, बरु चु खाबल् तम् बिसि चिट्ठा झोंले।” परमेश्‍वरए छ्वेर प्ह्रिबै ताँ पूरा तरिगे बिसि छ तब् ग। “चमैंइ ङए क्‍वें खें-खेंमैंए न्‍होंर चुइ, फिर्बै क्‍वेंए ल्हागिर बिस्याँ चिट्ठा झोंइ।” बिसि प्ह्रिथेंल। छतसि सिपाइमैंइ छाबै के लइ।

यूहन्‍ना 19:28

च लिउँइँ येशूजी तारे ताँन् के लल् खाँइ बिब् सेसि परमेश्‍वरए छ्वेर प्ह्रिबै ताँ पूरा तरिगे बिसि “ङ क्यु पिइ,” बिइ।

यूहन्‍ना 19:36

“खीए ह्रिब घ्रि या चोयाब् आरे।” बिसि परमेश्‍वरए छ्वेर प्ह्रिबै ताँ पूरा तरिगे बिसि छ तब् ग।

चेला चिब्मैंए केमैं 1:11

“ओ गालीलथेंमैं, क्हेमैं तले मुउँइँ ङ्‍ह्‍योसि रारिल? चुन् येशू, क्हेमैंउँइँले परमेश्‍वरजी स्वर्गर बोयाइ। तोगो खी खैले स्वर्गर ह्‍यारिब क्हेमैंइ म्रोंइ छलेन खी धबै युब्मुँ।”

चेला चिब्मैंए केमैं 1:9

खीजी चु ताँ बिबै लिउँइँ चमैंइ ङ्‍ह्‍योना ङ्‍ह्‍योन् खी कैंडो क्वेयाइ, झाइले न्‍हाँम्‍स्योइ हुवाइ। छले चमैंइ खीलाइ म्रोंल् आखाँ।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

चेला चिब्मैंए केमैं 3:18

ओंसोंन् ख्रीष्‍टजी दुःख नोल् त्हुम् बिसि ताँन् अगमबक्‍तामैंउँइँले परमेश्‍वरजी बिबै ताँ खीजी छले पूरा लइ।

२ कोरिन्थी 12:2

येशूए फिर बिश्‍वास लबै ङइ ङो सेबै म्हि घ्रिलाइ च्युसे प्लिदि भन्दा ओंसों परमेश्‍वरजी तल सोंर्बै स्वर्ग समा क्‍वेबोइ। चलाइ ज्युर्न बोइ उ प्ल्ह मत्‍त्रे बोइ च ङइ आसे, च ताँ परमेश्‍वरजी सेइमुँ।

एफिसी 3:19

क्होसे क्होल् आखाँबै ख्रीष्‍टजी लबै म्हाँया क्हेमैंइ सेरिगे, धै परमेश्‍वर खैब मुँ क्हेमैं या छाबन् तरिगे।

कलस्सी 1:19

तलेबिस्याँ खीने मुँबै ताँन् गुनमैं ख्रीष्‍टने मुँबइले परमेश्‍वर सैं तोंइ।

कलस्सी 2:9

छतसि छाबै स्‍योर ताँ आक्‍वेंन्, तलेबिस्याँ परमेश्‍वरने मुँबै ताँन् गुनमैं येशू ख्रीष्‍टने मुँ।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

हिब्रू 4:14

छतसि मु थोंसि ह्‍याबै परमेश्‍वरए च्ह येशू ङ्योए ल्हागिर ख्रो पिंबर युबै खेगि क्रथे तबइले ङ्योइ म्हाँदिरिबै बिश्‍वास जोगेसि थेंले।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।

हिब्रू 8:1

ङिइ बिल् म्हैबै थेबै ताँ चुन् ग: ङ्योला छाबै ख्रो पिंबै खेगि क्रथे मुँ, खी स्‍वर्गर ताँन् भन्दा थेबै परमेश्‍वरए क्‍योलोउँइँ (कयोउँइँ) गद्दिर क्हुँइमुँ।