एफिसी 3:16 - परमेश्‍वरए ताँ तमु क्युइर

¹⁶ क्हेमैंए ल्हागिर ङइ छ बिसि प्राथना लइमुँ: परमेश्‍वरए बेल्‍ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्‍हेमैंए सैं भोंब् लमिंरिगे।

एफिसी 3:16 ပူးပေါင်းရင်းမြစ်များ

भजनमैं 138:3

ङइ ग्वार ह्रिमा क्हिजी ङलाइ ज्वाफ पिंइ, धै क्हिजी ङ आङ्हिंब नेरो भोंब लमिंइ।

भजनमैं 28:8

याहवेहजी खीए म्हिमैंलाइ भों पिंम्, धै खीजी त्हाँबै म्रुँ जोगेसि रक्षा लमिंम्।

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

रोमी 2:29

बरु सैं न्‍होंर परमेश्‍वरजी चिनु लबै म्‍हि क्‍ह्रोंसेंन्‍बै यहूदी ग। चु सैं न्‍होंर चिनु लबै के ठिमइ लल् आखाँ, चु परमेश्‍वरए प्ल्हइ लबै के ग। छाबै म्‍हिइ म्‍हिमैंउँइँले आङिं, परमेश्‍वरउँइँले मान योंम्।

रोमी 7:22

तलेबिस्याँ ङए सैं घ्रिइ परमेश्‍वरए ठिम म्हाँदिबर बेल्‍ले सैं तोंम्,

रोमी 9:23

चमैंलाइ तले सैदिइ बिस्‍याँ परमेश्‍वरजी खीए बेल्‍ले थेबै मान तबै चारबै ह्‍वे ताँनलाइ उँइँबै सैं लइ। च ह्‍वे ङ्योज्‍यै या योंरिगे बिसि ङ्योलाइ थेबै केर फेबै भाँडो धों तब् लमिंइ,

१ कोरिन्थी 16:13

न्ह क्रों मि क्रोंले टिद्, बिश्‍वासर भों तद्, सैं भोंब् लद्, आङ्हिंन्ले टिद्।

२ कोरिन्थी 12:9

दिलेया प्रभुजी ङने बिइ, “ङए दयाम्हाँया योंसेरो क्हिलाइ अरू सै तोइ आचैदि, तलेबिस्याँ क्‍हि आखाँ आथुबै त्हेर ङए भोंइन तोन्दोंरि के लम्।” छतसि ख्रीष्‍टए भों ङने तरिगे बिसि आखाँ आथुबै त्हेरै या ङ सैं तोंन्लेन् प्हैंब्मुँ।

२ कोरिन्थी 4:16

छतसि ङि सैं च्योंब आल। ङिए ज्युर्बै भों नु-नुइ ह्‍यालेया ङिए सैं त्हिंइ ह्रोंसे भोंब् ततै ह्‍याम्।

एफिसी 1:18

क्‍हेमैंए सैं न्‍होंर्बै मि थोंसि परमेश्‍वरए चारबै ह्‍वे म्रोंरिगे बिसे या ङइ प्राथना लम्। तलेबिस्‍याँ च ह्‍वे म्रोंस्‍याँ क्‍हेमैंइ चु ताँ सों था सेब्‍मुँ: घ्रि, खीजी प्‍हना लिउँइँ क्‍हेमैंलाइ खैबै खालर्बै छार छ्ह पिंम् बिसि क्‍हेमैंइ था सेब्‍मुँ। ङ्हिं, खीए म्‍हिमैंलाइ पिंबै बेल्‍ले छ्याँबै आशिकमैं कति थेब मुँ बिसि क्‍हेमैंइ सेब्‍मुँ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 2:7

छाबै के तले लइ बिस्याँ तारे खबै जुगरि झन् खीए बेल्‍ले थेबै दयाम्हाँया उँइँब्‍मुँ। तलेबिस्‍याँ येशू ख्रीष्‍टजी ङ्योए ल्हागिर लबै केमैंइ लमा ङ्योइ च दयाम्हाँया योंइमुँ।

एफिसी 3:15

तलेबिस्याँ स्वर्ग नेरो पृथ्‍बीर मुँबै ताँन् परवामैंलाइ परमेश्‍वर आबाजीन् बनेसि मिं थेंइमुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

एफिसी 6:10

आखिरिर्बै ताँ चुन् ग: प्रभुने घ्रिन् तसि खीउँइँले योंबै शक्‍तिर क्‍हेमैंए सैं भोंब् लद्।

फिलिप्पी 4:13

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

फिलिप्पी 4:19

खैले क्हेमैंइ पिंइमुँ छलेन क्‍हेमैंलासे या तो सै चैदिलेया, ङए परमेश्‍वरजी खीए च्योलै आखाँबै सै न्होरउँइँले ख्रीष्‍ट येशूउँइँले क्हेमैंलाइ चैदिबै सैमैं पिंब्मुँ।

कलस्सी 1:11

क्‍हेमैंए फिर तो तलेया क्हेमैंइ ढुक्‍कले सैदिल् खाँरिगे बिसि परमेश्‍वरए थेबै शक्‍तिउँइँले ताँन् भों योंरिगे। छतसि क्हेमैं सैं तोंदै भोंसि तद्।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

२ तिमोथी 4:17

ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।

हिब्रू 11:34

कोइइ बेल्‍ले लुँबै मि सैवाइ, कोइ सेलाँइ (तरवारइ) सैल् म्‍हैब्मैंउँइँले जोगेइ, कोइ भों आरेलेया भोंब् तइ, कोइइ ल्हडें लबर भों योंसि अरू ह्‍युलर्बै फौजीमैं ल्‍हावाइ।

१ पत्रुस 3:4

बरु क्हेमैंए सैंर आगुए फिर खोंयोंन् बिलै छ्याँब मैंन्। ह्रोंसए प्‍युँलाइ कच कच आलद्, खीने सैं क्‍ह्रिसि टिद्, छलब परमेश्‍वरए उँइँर बेल्‍ले छ्याँब तम्, छाबै घाँना खोंयोंइ आम्‍ह।