एफिसी 2:20 - परमेश्‍वरए ताँ तमु क्युइर

²⁰ कुल्मिंबै चेला चिब्मैं नेरो अगमबक्‍तामैंइ जग झोंइ। च जगए फिर ङि यहूदीमैंलाइ धोंले क्‍हेमैंलाज्यै या खीजी थेंमिंइमुँ। च जगए तेंर्बै क्र युँमा बिस्याँ येशू ख्रीष्‍टन् ग।

एफिसी 2:20 ပူးပေါင်းရင်းမြစ်များ

भजनमैं 118:22

धिं लब्मैंइ केर आफे बिसि भ्योंवाबै युँमान् तेंर्बै क्र युँमा तइ।

हितोपदेश 9:1

बुद्धिइ ह्रोंसए धिं बनेइमुँ; चइ त्हो ङिउलो क्योइमुँ।

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

मत्ती 21:42

येशूजी चमैंने बिइ, “परमेश्‍वरए छ्वेर प्‍ह्रिबै चु ताँ क्‍हेमैंइ आखेइमुँ वा? ‘धिं लब्‍मैंइ केर आफे बिसि भ्योंवाबै युँमान् धाँसे तेंर्बै क्र युँमा तइमुँ। चु परमेश्‍वरउँइँले तब् ग। ङ्योए उँइँर चु के आचम्‍मबै मुँ।’

१ कोरिन्थी 12:28

ख्रीष्‍टए फिर बिश्‍वास लब्मैं न्‍होंरि परमेश्‍वरजीन् केए भाग थेंमिंइँमुँ। ओंसोंबै कुल्मिंबै चेला चिब्मैं, ङ्हिं अगमबक्‍तामैं, सों परमेश्‍वरए बारेर ताँ लोमिंबै म्‍हिमैं, झाइले परमेश्‍वरए मिंर औदिबै के लब्मैं, नब् छब् सल् लबै बरदान योंब्‍मैं, अरूमैंलाइ ल्होमिंब्‍मैं, रेखदेख लब्मैं, ल्हें खालर्बै क्युइ पोंब्‍मैं ताँनलाइ परमेश्‍वरजी खेंमैंए क्‍ल्‍ह्‍योर थेंमिंइमुँ।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

एफिसी 3:5

स्‍योंमन् परमेश्‍वरजी म्हिमैंलाइ चु चाँजो आबिल, दिलेया तिंजोरो परमेश्‍वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्‍तामैंने च चाँजो बिमिंइमुँ।

कलस्सी 2:7

खैले सिं धुँए जरा सरि न्होंन्हों च्‍योंमु, छलेन क्‍हेमैं छ्ह थोमा ख्रीष्‍टलाइ सैं पिंसि भोंब् तद्। इपाफ्रासइ क्‍हेमैंलाइ लोमिंब् धोंलेन् ख्रीष्‍टए फिर अझै बिश्‍वास भोंब् लद्। धै खोंयोंन् बिलै धन्‍यबाद पिंबै सैं प्‍ह्‍याद्।

१ पत्रुस 2:6

तलेबिस्याँ छ्वेर छले प्ह्रिइमुँ: “सियोन बिबै मन्‍दिरए तेंर ङजीन् त्हाँबै सै लसे लल् आखाँब थेबै क्र युमाँ घ्रि ङइ थेंइमुँ। छतसि खीए फिर बिश्‍वास लब्मैं खोंयोंइ या फापिल् त्हुरिब् आरे।”

दर्शन 21:14

च सहरर्बै बानुए तेंजरे च्युसे ङ्हिं थे-थेबै युमाँ मुँल, धै चए फिर क्‍यु च्हजए च्युसे ङ्हिं चेला चिब्मैंए मिं प्‍ह्रिल।