एफिसी 2:12 - परमेश्‍वरए ताँ तमु क्युइर

¹² च त्हेर क्‍हेमैं ख्रीष्‍टउँइँले ह्रेंगो मुँल, परमेश्‍वरजी त्‍हाँबै ह्रें इस्राएलीमैंने बालु आरेल, छतसि क्‍हेमैं बिदेशिमैं धोंन् तइ टिल, परमेश्‍वरजी खीए म्‍हिमैंने बाछा फैसि पिंम् बिबै आशिकए न्होंर क्हेमैं आरेल, धै चु ह्‍युलर टिमा क्हेमैं परमेश्‍वरलाइ ङो आसेसि आशा आरेल्‍ले टिल।

एफिसी 2:12 ပူးပေါင်းရင်းမြစ်များ

उत्पत्ति 15:18

च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

प्रस्थान 12:45

आगुए ह्‍युलर्बै म्हि नेरो नों सै फोसि थेंबै केब्छैंइ च आचरिगे।

लूका 1:72

खीजी ङ्योए खेमैंने फैबै पबित्र बाछा मैंसि ङ्योए फिर ल्हयो खमिंइमुँ।

यूहन्‍ना 10:16

ङला अरू क्युमैं या मुँ, चमैं चु प्ह्रोंर्बै आङिं। दिलेया ङइ चमैं या पखल् त्हुब्मुँ। चमैंइ ङए कै थेब्मुँ, धै ताँन् क्युमैं बगाल घ्रिन् तब्मुँ, छतसि प्ह्रोंछैं या घ्रिन् तब्मुँ।

यूहन्‍ना 15:5

“अँगुरए धुँ ङन् ग, क्‍हेमैं हाँगमैं ग। खाबै ङने टिइ बिस्याँ, धै ङ चने तइ बिस्याँ, चइ ल्हें रोमैं रोब्मुँ। तलेबिस्याँ ङ ङाँइँले स्यो तसि क्हेमैंइ तोइ लल् आखाँ।

यूहन्‍ना 4:22

क्हेमैंइ म्हाँदिरिबै सै क्‍हेमैंइ आसे। ङि यहूदीमैंइ बिस्‍याँ तो म्हाँदिरिइमुँ बिसि सेइमुँ। तलेबिस्याँ यहूदीमैंउँइँले ताँन् म्‍हिमैंइ मुक्‍ति योंब्मुँ।

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”

चेला चिब्मैंए केमैं 28:20

छतसि ङइ क्हेमैंने त्होसि चु ताँमैं क्होमिंबर क्हेमैंलाइ हुइब् ग। तलेबिस्याँ ‘परमेश्‍वरजी मुक्‍ति पिंबै म्रुँ ख्रीष्‍ट कुल्मिंब्मुँ,’ बिसि ङ्यो इस्राएलीमैंइ आशा थेंइमुँ। झाइले च म्रुँ युल् खाँइ बिसि ङइ बिप्रबइले ङ चु सँउँलिइ फैथेंइँमुँ।”

चेला चिब्मैंए केमैं 3:25

अगमबक्‍तामैं नेरो परमेश्‍वरजी क्हेमैंए खेमैंने फैबै बाछा क्हेमैंए ल्हागिर्न ग। खीजी अब्राहामने बिइ, ‘क्हिए सन्तानउँइँलेन् ह्‍युलर्बै ताँन् ह्रेंमैंइ आशिक योंब्मुँ।’

रोमी 9:8

चुए अर्थ, से कोउँइँले फिब्मैं परमेश्‍वरए च्ह-च्हमिमैं आङिं। बरु परमेश्‍वरजी बाछा फैसि पिंम् बिसि योंबै च्ह-च्हमिमैं मत्‍त्रे अब्राहामए सन्‍तान ठर्दिम्।

गलाती 4:8

ओंसों परमेश्‍वरलाइ ङो आसेमा क्‍हेमैं परमेश्‍वर आङिंबै देवतामैं म्हाँदिसि चमैंए न्होंर मुँल।

एफिसी 2:19

छतसि क्‍हेमैं अरू ह्रेंमैं तारे बिदेशि अथवा स्‍याँमैं आङिं, परमेश्‍वरए म्‍हिमैंइ योंब् धों तबै हग अथवा नागरिकता क्हेमैंज्यै या योंइमुँ। धै क्‍हेमैं या खीए परवार्बै म्हिमैं तइमुँ।

एफिसी 4:18

चमैं तोइ च्हैंब-मैंब् लल् आखाँब्मैं तयाइमुँ। चमैंए सारो सैंउँइँले त्होंबै केर आफेबै ताँमैंइ लमा परमेश्‍वरजी पिंबै छ्ह चमैंइ आयों।

कलस्सी 1:21

ओंसों क्‍हेमैंइ आछ्याँबै सैंले पापए केमैं लसि परमेश्‍वरउँइँले ह्रेंगो तयासि खीए शत्तुरमैं तल।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

कलस्सी 1:5

क्हेमैंइ योंल् त्हुबै सैमैं परमेश्‍वरजी क्हेमैंए ल्हागिर स्वर्गर जोगेथेंइमुँ बिबै आशा लसि क्हेमैंइ छाबै बिश्‍वास नेरो म्हाँया लब् ग। चु आशाए ताँ ओंसोंन् ख्रीष्‍टउँइँले खबै सैं तोंबै ताँउँइँले सेल।

१ थेसलोनिकी 4:13

ओ अलि-अङाँमैं, न्‍हरु च्‍हुइरिब्‍मैंए बारेर क्‍हेमैंइ था सेरिगे झाइले प्रभु येशूए फिर आशा आलब्‍मैंइ धोंले न्हुँ आलरिगे बिब ङिए सैं मुँ।

१ थेसलोनिकी 4:5

दिलेया परमेश्‍वर ङो आसेब्‍मैं धोंले मुयुँमैं ने च्हमिरिमैं न्होंरि आछ्याँबै सैं मैंसि आप्रद्।

२ थेसलोनिकी 2:16

परमेश्‍वरजी ङ्योलाइ म्हाँया लइमुँ धै खीए दयाम्हाँयाउँइँले ङ्योलाइ थेबै आशा नेरो सैं क्होल् लबै भों पिंइमुँ। धै ङ्योए प्रभु येशू ख्रीष्‍ट नेरो ङ्योए परमेश्‍वर आबाजी

१ तिमोथी 1:1

ङ पावलउँइँले तिमोथीलाइ जय मसीह मुँ। ङ्योलाइ मुक्‍ति पिंबै परमेश्‍वर नेरो ङ्योलाइ क्ह्रोंसेंन्बै आशा पिंबै ख्रीष्‍ट येशूजी बिबइले ङ येशू ख्रीष्‍टजी कुल्मिंबै चेला चिब तइमुँ।

हिब्रू 11:34

कोइइ बेल्‍ले लुँबै मि सैवाइ, कोइ सेलाँइ (तरवारइ) सैल् म्‍हैब्मैंउँइँले जोगेइ, कोइ भों आरेलेया भोंब् तइ, कोइइ ल्हडें लबर भों योंसि अरू ह्‍युलर्बै फौजीमैं ल्‍हावाइ।

हिब्रू 6:18

खीजी फैबै बाछा नेरो खीजी चबै कसम ङ्हिंना ङ्हिंन् खोंयोंइ प्लिंल् आखाँ, तलेबिस्याँ खीजी खोंयोंइ स्‍योर आते। छतसि खीए फिर भर थेंब्‍मैंइ ङ्योलाइ पिंम् बिबै सै योंबर ङ्योइ थेबै भों योंइमुँ।

हिब्रू 8:6

दिलेया च ओंसों फैबै बाछा भन्दा प्रभु येशूजी म्‍हिमैंए ल्हागिर लमिंबै बाछा झन् थेब मुँ। छतसि परमेश्‍वर नेरो म्‍हिमैं न्होंरि येशूजी लमिंबै बाछा ओंसोंबै बाछा भन्दा छ्याँब मुँ। छलेन स्‍योंम्‍बै खेगिमैंइ भन्दा येशूजी झन् बेल्‍ले थेबै के लइमुँ।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ पत्रुस 3:15

बरु ह्रोंसए सैं न्‍होंरि ख्रीष्‍टलाइ “प्रभु” मैंसि खीए सेवा छेनाले लद्। खाबज्यै या “क्हेमैंइ ख्रीष्‍टए फिर बिश्‍वास लसि तो योंम्?” बिसि ङ्योएस्याँ छ्याँबै सुँले ह्रिस आखल्‍ले ज्वाफ पिंबर खोंयोंइ बिले तयार तद्।

१ यूहन्‍ना 3:3

धै ख्रीष्‍टए फिर छाबै आशा थेंब्मैं ख्रीष्‍ट पबित्र मुँब् धोंले पबित्रले प्रम्।