कलस्सी 4:18 - परमेश्‍वरए ताँ तमु क्युइर

¹⁸ ङए योउँइँले ङइ चु ताँ प्‍ह्रिइमुँ: ङ पावलउँइँले जय मसीह मुँ। ङ झेलर च्युइमुँ आम्‍लेल्‍ले ङए ल्हागिर प्राथना लमिंन्। परमेश्‍वरए दयाम्हाँया क्‍हेमैंने तरिगे।

कलस्सी 4:18 ပူးပေါင်းရင်းမြစ်များ

रोमी 16:20

ङ्योलाइ शान्‍ति पिंबै परमेश्‍वरजी युनन् दुष्‍टलाइ क्‍हेमैंए प्‍हलेइ प्‍लेल् पिंब्‍मुँ। ङ्योए प्रभु येशूए थेबै दयाम्हाँया क्‍हेमैंने बालु तरिगे।

रोमी 16:22

(पावलइ बिबै ताँ चु प्ह्रिछ्यार प्‍ह्रिमिंबै म्‍हि ङ तर्तियसउँइँले या प्रभुए मिंर क्‍हेमैंलाइ जय मसीह मुँ।)

रोमी 16:23

ङ नेरो ताँन् बिश्‍वासीमैंलाइ मान लबै गायसज्यै या क्‍हेमैंलाइ जय मसीह मुँ बिमिंइमुँ। झाइले चु धिंर मुँबै बिश्‍वासीमैंइ क्‍हेमैंलाइ जय मसीह बिमिंइमुँ। छलेन चु सहरर्बै कोशाध्‍यक्ष इरास्‍तस नेरो ङ्योए अलि क्‍वार्टसज्‍यै या क्‍हेमैंलाइ जय मसीह बिमिंइमुँ।

१ कोरिन्थी 16:21

ह्रोंसए योइन ङ पावलइ क्हेमैंलाइ जय मसीह प्ह्रिरिइमुँ।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

फिलिप्पी 1:7

ङइ क्‍हेमैंलाइ खोंयोंन् बिलै ह्रोंसए सैंर थेंइमुँ। ङइ क्हेमैं ताँनए ल्हागिर छले मैंब ठिक मुँ, तलेबिस्याँ परमेश्‍वरजी दयाम्हाँया लसि खीउँइँले खबै सैं तोंबै ताँ जोगेबै के ङलाइ पिंइ, धै ङ झेलर मुँमा बैरु मुँमा क्हेमैं चु केर ङने बालुन् प्रल।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

२ थेसलोनिकी 3:17

ङ पावलउँइँले जय मसीह मुँ। ङए ताँन् प्ह्रिछ्यार ङ चु ताँ ह्रोंसए योइन प्ह्रिसि चिनु लम्।

१ तिमोथी 6:21

च ताँमैं क्वेंसि को-कोइइ प्रभुए फिर बिश्‍वास लबन् पिवाइमुँ। दिलेया क्हेमैं ताँनए फिर बिस्याँ परमेश्‍वरए दयाम्हाँया खोंयोंन् बिलै तरिगे।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 4:22

प्रभु खोंयोंन् बिलै क्‍हिने प्रे तरिगे। धै खीए दयाम्हाँया क्हेमैंइ योंरिगे।

तीतस 3:15

ङने चुर मुँबै थुमैं ताँनइ क्‍हिलाइ जय मसीह बिमिंइमुँ। प्रभु येशूए फिर बिश्‍वास लसि ङिलाइ म्हाँया लब्‍मैंलाज्यै या ङिए जय मसीह बिमिंन्। क्‍हेमैं ताँन्‍ने परमेश्‍वरए दयाम्हाँया तरिगे।

हिब्रू 13:25

क्‍हेमैं ताँनने परमेश्‍वरए दयाम्हाँया खोंयोंन् बिलै तरिगे।

हिब्रू 13:3

कोइ म्हिमैं झेलर मुँस्याँ ह्रोंसै या चमैंने झेलर मुँब् धों ङ्हाँसि चमैंए वास्था लद्। छलेन दुःख योंब्मैं म्रोंमा ह्रोंसइन दुःख योंब् धों ङ्हाँन्। तलेबिस्याँ क्हेमैं फिरै या छ तल् खाँम्।