कलस्सी 4:16 - परमेश्‍वरए ताँ तमु क्युइर

¹⁶ क्‍हेमैंइ चु प्ह्रिछ्या खेल् खाँबै लिउँइँ लाउडिकिया नाँसर्बै बिश्‍वासीमैंने या खैलसे खेल् पिंन्। झाइले ङइ लाउडिकियालाइ पिमिंबै प्ह्रिछ्या क्‍हेमैंज्‍यै या खेद्।

कलस्सी 4:16 ပူးပေါင်းရင်းမြစ်များ

कलस्सी 2:1

क्हेमैं कलस्सिथेंमैं, लाउडिकियाथेंमैं नेरो ङ खोंयोंइ या आम्रोंब्‍मैं ताँनए ल्हागिरै या ङइ बेल्‍ले दुःखले के लइमुँ बिबै ताँ क्‍हेमैंइ सेरिगे बिब ङए सैं मुँ।

कलस्सी 4:13

क्‍हेमैं कलस्‍सीथेंमैं, झाइले लाउडिकियाथेंमैं नेरो हिरापोलिसथेंमैंए ल्हागिर चइ गारो के लइमुँ बिसि ङ ह्रोंसन साक्षि पिंल् खाँम्।

कलस्सी 4:15

लाउडिकिया नाँसर्बै बिश्‍वासीमैं नेरो ङ्योए अङाँ नुम्‍फा, झाइले चए धिंर खागु तबै बिश्‍वासीमैंने ङिए जय मसीह बिमिंन्।

१ थेसलोनिकी 5:27

प्रभु येशूजी पिंबै हगउँइँले ङ क्हेमैंने अर्थि पिंम्: चु प्ह्रिछ्या खेसि ताँन् अलि-अङाँमैंलाइ खैलसे या थेल् पिंन्।

२ थेसलोनिकी 3:14

ङिइ चु प्ह्रिछ्यार प्‍ह्रिबै ताँ खाबै आङिं, च म्हिलाइ छेन्‍ले ङो सेथेंन्। च फा पिन् तरिगे बिसि चने प्रब-टिब ने पोंब आलद्।