कलस्सी 4:11 - परमेश्‍वरए ताँ तमु क्युइर

¹¹ झाइले युस्‍तस बिबै येशूज्‍यै या क्‍हेमैंने जय मसीह बिमिंइमुँ। प्रभुए फिर बिश्‍वास लबै यहूदीमैं न्‍होंर चुमैं सों मत्‍त्रेइ परमेश्‍वरए ग्याल्सर्बै ताँ बिप्रबै के ङने बालुन् लसेन्‍मुँ। चुमैंइ ङए सैं बेल्‍ले क्‍होल् लमिंइमुँ।

कलस्सी 4:11 ပူးပေါင်းရင်းမြစ်များ

चेला चिब्मैंए केमैं 10:45

अरू ह्रेंमैंए फिरै या पबित्र प्ल्ह युब् म्रोंसि पत्रुसने बालु खबै प्रभुए फिर बिश्‍वास लबै यहूदीमैं बेल्‍ले प्लेटोयाइ।

चेला चिब्मैंए केमैं 11:2

झाइले पत्रुस यरूशलेमर खमा को-कोइ यहूदी बिश्‍वासीमैंइ चने त्होइ। चमैंइ “अरू ह्रेंर्बै बिश्‍वासीमैंलाज्यै या ट्हुबि क्ह्‍याँसि चिनु लल् त्हुम्” बिइ।

रोमी 16:3

येशू ख्रीष्‍टए के लमा ङने बालुन् के लबै प्रिस्‍का नेरो चए प्युँ अकिलासने ङए जय मसीह मुँ बिमिंन्।

रोमी 4:12

ज्युर चिनु लब् भन्दा ओंसोंन् अब्राहामइ परमेश्‍वरए फिर बिश्‍वास लइ। छतसि ज्युर चिनु लबै यहूदीमैं या अब्राहामइ धोंलेन् परमेश्‍वरए फिर बिश्‍वास लइबिस्‍याँ चमैंए खे अब्राहामन् ग।

२ कोरिन्थी 6:1

ङि परमेश्‍वरने बालु के लब्मैं तबइले क्‍हेमैंने यो छ्युँ लमुँ, क्‍हेमैंइ योंबै परमेश्‍वरए दयाम्हाँया छलेन् खेरो ह्‍याल् आपिंन्।

एफिसी 2:11

क्हेमैं अरू ह्रेंर्बै म्हिमैंइ ज्युर चिनु आलमल। छतसि ज्युर चिनु लबै यहूदीमैंइ क्‍हेमैंलाइ च्‍योंब म्‍हाँदिसि “ज्युर चिनु आलब्‍मैं” बिमल। येशूए फिर बिश्‍वास लब् भन्दा ओंसों क्हेमैंइ खैबै छ्ह थोरिल मैंन्दि।

फिलिप्पी 4:3

ओ ङइ भर लल् खाँबै ङए थु, ङ क्हिने बिमुँ: “च च्हमिरिमैंलासे या ल्होब्रें लद्।” तलेबिस्याँ सैं तोंबै ताँ म्हिमैंने बिप्रबै केर ङ, क्लेमेस नेरो अरू थुमैंने बालुन् चुमैंज्यै या बेल्‍ले के लइमुँ। चुमैंए मिं खोंयोंइ आखाँबै छ्ह योंबै कितबर मुँ।

कलस्सी 4:7

ङ्योए खोबै अलि तुखिकसइ ङए बारेर्बै ताँन् ताँ क्‍हेमैंने बिमिंब्‍मुँ। च प्रभुए केर ङ्योने बा-बालुन् प्रबै बिश्‍वास मुँबै म्हि ग।

१ थेसलोनिकी 3:2

ङ्योए अलि तिमोथी क्‍हेमैं ङाँर कुलइमुँ। च परमेश्‍वरए सेवा लसि येशू ख्रीष्‍टए बारेर्बै सैं तोंबै ताँ बिप्रबै म्हि ग।

१ थेसलोनिकी 3:7

ओ अलि-अङाँमैं, ङिए फिर दुःख तनाबिलेया क्‍हेमैंए बिश्‍वासए बारेर थेल् योंमा ङिए सैं क्होइमुँ।

तीतस 1:10

तलेबिस्याँ ल्‍हें म्‍हिमैं आगुए न्होंर टिदा आङ्हाँब, केर आफेबै ताँमैं ल्हें लब धै स्योर तेब्मैं तम्। चु छाबै केमैं ज्युर चिनु लब्मैंइ झन् ल्हें लम्।

फिलेमोन 1:1

येशू ख्रीष्‍टउँइँले खबै सैं तोंबै ताँ बिप्रइ बिसि झेलर च्युथेंबै ङ पावल नेरो ङ्योए अलि तिमोथीउँइँले ङिने बालु के लबै थु फिलेमोनलाइ जय मसीह मुँ।

फिलेमोन 1:24

छलेन ङने बालु के लब्‍मैं मर्कूस, अरिस्‍तार्खस, डेमास नेरो लूकाज्यै या क्हिलाइ जय मसीह बिमिंइमुँ।