कलस्सी 3:5 - परमेश्‍वरए ताँ तमु क्युइर

⁵ छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।

कलस्सी 3:5 ပူးပေါင်းရင်းမြစ်များ

प्रस्थान 37:22

बत्ति म्रोंबै पानस, कोपिला नेरो हाँगमैं माराए डल्‍ला घ्रिउँइँलेन् बनेइ।

मत्ती 15:19

तलेबिस्याँ म्‍हिए सैंउँइँलेन् आछ्याँब सैं मैंम्। चु आछ्याँब सैंइ लमा चइ म्‍हि सैब, आगुए प्ह्रेंस्यो प्रब, ब्यभिचार लब, आगुए सै न्होर ह्‍योब, स्‍योर तेब, धै फ्रम्दा क्योम्दा लब छाबै पापमैं लम्।

रोमी 1:26

छतसि परमेश्‍वरजी चमैंलाइ चमैंए सैंर मैंब् धोंलेन् फापिन् तबै के लबर पिवामा चमैंए च्हमि रिमैंइ ह्रोंसए प्युँने मत्‍त्रे लबै के खें-खेंमैंए न्होंर्न लइ।

रोमी 1:29

छतसि चमैं ताँन् खालर्बै आछ्याँबै के, दुष्‍ट के, लोब लब, ह्रिस लब, सैं आसब, आगुए न्होह्रों तबै केमैं लब, म्हि सैब, प्होंगि मिब, आगुए के न्होंवाब, फ्रम् ताँ लब,

रोमी 6:13

छलेन ह्रोंसए ज्युर्बै भागमैंलाइ पाप केमैं लबर आल्हैदिद्। बरु सिबइले धबै सोगों तबै म्‍हि धोंले छ्याँबै के लबै ल्हागिर ह्रोंसलाइन परमेश्‍वरए योर पिंवाँन्।

रोमी 6:6

ङ्योइ पाप आलरिगे धै ङ्यो पापए न्होंर आटिरिगे बिसि परमेश्‍वरजी ङ्योए ओंसोंबै छ्ह येशू ख्रीष्‍टने बालु क्रूसर च्योवाइमुँ बिब ङ्योइ सेइमुँ।

रोमी 7:23

दिलेया ङ न्होंर्बै अर्को सैंइ ङए सैंइ खोबै ठिमए बिरोध लम्। च बिरोध लबै सैंइ ङलाइ आछ्याँबै इच्‍छाए न्होंर फैवाम्।

रोमी 7:5

ओंसों ङ्यो पाप लदै छ्ह थोरिल, छतसि कालए सुँर फेनेबै आछ्याँबै केमैं लबर ठिमइ भों पिंसि पाप लदा ङ्हाँबै सैं खसि ङ्योइ ज्युर आछ्याँबै के लमल।

रोमी 8:13

तलेबिस्याँ ह्रोंसए आछ्याँबै बानिइ बिब् ङिंस्‍याँ क्‍हेमैं सिल् त्‍हुम्। दिलेया परमेश्‍वरए प्ल्हए भोंउँइँले क्‍हेमैंइ ह्रोंसए ओंसोंबै आछ्याँबै बानिमैं पिवास्‍याँ क्‍हेमैंए प्ल्ह सोब्‍मुँ।

१ कोरिन्थी 5:1

क्‍हेमैं न्‍होंरि ब्यभिचार तइमुँ रो, चु छाबै आछ्याँबै के बिश्‍वास आलब्‍मैं न्होंरै या आत। तलेबिस्याँ क्‍हेमैं न्‍होंर्बै म्‍हि घ्रि ह्रोंसए आम्‍ज्‍यों आमान् किंसि टिइमुँ रो बिबै ताँ ङइ थेइमुँ।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

१ कोरिन्थी 6:13

छलेन खाबज्‍यै या “चबै सै फोए ल्हागिर ग, धै फो चबै सैए ल्हागिर ग,” बिलै। दिलेया परमेश्‍वरजी ङ्हिंना ङ्हिंनलाइ नास लवाब्‍मुँ। म्‍हिए ज्यु ब्यभिचार लबै ल्हागिर आङिं, प्रभुए सेवा लबै ल्हागिर ग, झाइले ङ्योए ज्युलाइ चैदिबै सै या प्रभुजीन् पिंम्।

१ कोरिन्थी 6:18

ब्यभिचार आलद्। अरू पाप लइ बिस्याँ ज्युलाइ नोक्सन् आल, दिलेया ब्यभिचार लइबिस्‍याँ ह्रोंसए ज्युलाइन नोक्सन् लम्।

२ कोरिन्थी 12:21

क्‍हेमैं न्‍होंरि ल्हें म्हिइ पाप केमैं लल, चमैंइ आछ्याँबै के, ब्यभिचार लसेया, खै तदा ङ्हाँमुँ छान् तसेया सैं आएलै। छतसि ङ धबै क्‍हेमैं ङाँर खमा छाब् म्रोंसि ङए सैं नल् त्हुलै, धै चु ताँर परमेश्‍वरजी ङलाइ क्‍हेमैंए उँइँरि फा पिन् लम् उ बिसि ङ ङ्हिंइमुँ।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

एफिसी 4:19

चमैंए सैं सारो तबइले चमैंइ तो धोंइ आङ्हाँन्‍ले तो लदा ङ्हाँमुँ चन् लप्रम्।

कलस्सी 2:11

ख्रीष्‍टए फिर बिश्‍वास लसि क्हेमैं ज्युर चिनु लब् धोंन् तइ। दिलेया च ज्युर चिनु लब म्‍हिमैंइ लब आङिं, ख्रीष्‍टजी लबै सैंर्बै चिनु ग। ख्रीष्‍टजी च सैंर्बै चिनु लमा क्हेमैंए सैंर्बै आछ्याँबै सिमैं थोवाइ।

१ थेसलोनिकी 4:3

छलेन क्‍हेमैं परमेश्‍वरए सैंर मैंब् धोंले पबित्र छ्ह थोद्, धै क्हेमैं फ्रें क्ल्योंब ने रण्डि-बाजी लबउँइँले स्यो तद्।

१ थेसलोनिकी 4:5

दिलेया परमेश्‍वर ङो आसेब्‍मैं धोंले मुयुँमैं ने च्हमिरिमैं न्होंरि आछ्याँबै सैं मैंसि आप्रद्।

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।

हिब्रू 12:16

खाबज्यै या आछ्याँबै केमैं आलरिगे धै स्‍योंम्‍बै एसाव धोंबै परमेश्‍वर आम्हैब आतरिगे। चइ तिछोए ल्हागिर ह्रोंसइ योंल् त्हुबै च्ह थेबाए हग त्हेवाइ।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।

हिब्रू 13:5

क्‍हेमैंइ ल्हें मारा-मुइए लोब आलद्। क्हेमैंने मुँबै सैर्न सन्‍तोक तइ टिद्। तलेबिस्याँ परमेश्‍वरजी बिइमुँ, “ङइ क्‍हेमैं खोंयोंइ वाथेंरिब् आरे, ङइ क्हेमैं पिरिब् आरे।”

याकूब 4:1

क्‍हेमैंए न्‍होंरि प्होंगि कैगि खनिउँइँले खमुँ? च ताँन् केमैं सयल थोदा ङ्हाँबै सैंउँइँले खम्, आङिं वा? छाबै सयल थोबै ताँ क्‍हेमैंए सैंर खोंयोंइ बिले तरिम्।

१ पत्रुस 2:11

ओ ङए खोबै थुमैं, ङ क्हेमैंने यो छ्युँ लमुँ, क्‍हेमैंइ चु ह्‍युलर ङम् तिस्याबै प्ह्रें धों तब् मत्‍त्रे ग बिब् सेसि आछ्याँबै इच्‍छाउँइँले स्‍यो तद्, तलेबिस्याँ छाबै इच्‍छाजगोइ क्‍हेमैंए सैंलाइ न्होंवाम्।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।