कलस्सी 3:22 - परमेश्‍वरए ताँ तमु क्युइर

²² ओ केब्छैंमैं, क्‍हेमैंए चु ह्‍युलर्बै क्ल्हेमैंइ बिबै ताँ ङिंन्। चमैंए उँइँर सैं तोंन् लबै ल्हागिर मत्‍त्रे के आलद्, दिलेया प्रभु येशूइ म्रोंसिन्मुँ ङ्हाँसि “ङइ लल् त्हुबै के लल् त्हुम्” बिसि क्ल्हेमैंए न्होंर टिद्।

कलस्सी 3:22 ပူးပေါင်းရင်းမြစ်များ

उत्पत्ति 42:18

सोंरो लिउँइँ योसेफइ चमैंने बिइ, “ङ परमेश्‍वरने ङ्हिंबै म्हि ग। छतसि क्हेमैंइ चु के लस्याँ क्हेमैं सोब्मुँ।

भजनमैं 123:2

खैले केब्छैंमैंए मिइ ह्रोंसए क्ल्हेए योउँइँ ङ्ह्‍योमुँ, खैले क्येब्स्योए मिइ ह्रोंसए क्ल्हेस्योए योउँइँ ङ्ह्‍योमुँ, छलेन ङिए याहवेह परमेश्‍वरजी ङिए फिर ल्हयो आखन् समा ङिए मि खी ङाँइँन ङ्ह्‍योरिम्।

मत्ती 6:22

“ज्युर्बै बत्ति मि ग। छतसि क्‍हिए मि चारब मुँ बिस्याँ क्हिए ताँन् ज्यु या छ्याँब तसि चारब तम्।

मत्ती 8:9

ङज्यै चु ताँ छेन्ले सेम्, तलेबिस्याँ ङ या क्रथेए न्होंरि मुँ, धै ङए न्होंरि सिपाइमैं मुँ। ङइ घ्रिने ‘ह्‍याद्’ बिस्‍याँ च ह्‍याम्, अर्कोने ‘खो’ बिस्‍याँ च खम्। ङए के लबै म्हिने ङइ तो लद् बिमुँ छान् लम्।”

लूका 6:46

येशूजी धबै अर्को ताँ बिइ, “ङइ बिबै ताँ आङिंस्‍याँ क्‍हेमैंइ तले ङने ‘ओ प्रभु, प्रभु’ बिमुँ?

लूका 7:8

ङज्‍यै या थेबै म्‍हिमैंउँइँले हुकुम योंसि ङए न्‍होंर्बै सिपाइमैंने हुकुम पिंम्। ङइ घ्रिने ‘ह्‍याद्’ बिस्‍याँ च ह्‍याम्, धै अर्कोने ‘खो’ बिस्‍याँ च खम् ङए के लबै म्हिने या ‘ङइ तो लद्’ बिमुँ चइ चन् लम्।”

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

२ कोरिन्थी 7:1

ओ ङइ खोबै अलि-अङाँमैं, चु ताँन् बाछामैं ङ्योए ल्हागिर्न ग। छतसि ङ्योए ज्यु नेरो सैं पापर च्होवाबै सैमैंउँइँले ङ्यो स्‍यो तले। झाइले ङ्यो परमेश्‍वरने ङ्हिंसि खीए उँइँर ज्युर सैंर छ्याँब् ततै ह्‍याले।

गलाती 1:10

ङइ म्हिमैंउँइँले स्‍याबासि म्‍हैरिइमुँ उ परमेश्‍वरउँइँले स्‍याबासि म्‍हैरिइमुँ? ङइ म्‍हिमैंए सैं तोंन् लल् म्हैरिइमुँ वा? ङइ अझै म्‍हिमैंए सैं तोंन् लल् म्‍हैरिस्‍याँ ङ ख्रीष्‍टए सेवा लल् आखाँमल।

कलस्सी 3:20

ओ कोलोमैं, आबा-आमाइ बिबै तामैं ङिंन्, तलेबिस्याँ क्हेमैंइ आबा-आमाइ बिब ङिंस्याँ परमेश्‍वर सैं तोंम्।

१ थेसलोनिकी 2:4

छतसि परमेश्‍वरजी ङिलाइ भर म्हाँदिसि खीए सैं तोंबै ताँ बिप्रबै के ङिए जिम्‍मार पिंइ। छतसि म्हिमैंए सैं तोंन् लबर ङि आपो, बरु ङ्योए सैं न्होंर्बै ताँ सेबै परमेश्‍वरए सैं तोंन् लबर ङि पोंम्।

फिलेमोन 1:16

तारे च क्हिए केब्छैं आङिं, केब्छैं भन्दा थेब क्‍हिइ खोबै अलि तरिगे। ङइ चलाइ बेल्‍ले म्हाँया लमुँ। बिलन् त्हुमा अझै क्हिए ल्हागिरि च क्हिए के लबै म्हि ग, झन् च भन्दै थेबै ताँ च प्रभुए फिर बिश्‍वास लबै खोबै अलि ग। छतमा क्हिज्यै या चलाइ बेल्‍ले म्हाँया लब्‍मुँ बिसि ङए सैंर ङ्हाँइमुँ।