कलस्सी 3:14 - परमेश्‍वरए ताँ तमु क्युइर

¹⁴ चु ताँन् सै भन्दा अरूलाइ ल्हें म्हाँया लबै सैं प्‍ह्‍याद्। म्हाँयाइ लमा आक्ह्रिब्मैं ताँन् क्ह्रिल् खाँम्।

कलस्सी 3:14 ပူးပေါင်းရင်းမြစ်များ

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

यूहन्‍ना 15:12

“ङइ बिबै ताँ चुन् ग, ङइ क्‍हेमैंने म्‍हाँया लब् धोंलेन् क्‍हेमैंज्यै या घ्रिइ-घ्रिने म्‍हाँया लद्।

यूहन्‍ना 17:23

क्हिजी ङ कुल्मिंब् ग धै क्हिजी ङने म्हाँया लब् धोंलेन् क्हिजी चमैंलाज्यै या म्हाँया लइमुँ। छतसि चमैं तोन्दोंरि सैर क्ह्रिसि घ्रिन् तरिगे बिसि ङ चमैंने बालु मुँ, क्हि ङने बालु मुँ बिब ह्‍युलर्बै म्हिमैंइ सेरिगे।

रोमी 13:8

घ्रिइ घ्रिने म्हाँया लब बाहेक अरू तो सैरै या भारा आनोद्। तलेबिस्याँ ह्रोंसए ङ्‍हेब् ट्हुब्मैंए फिर म्हाँया लब्‍मैंइ परमेश्‍वरजी पिंबै ठिम पूरा लम्।

एफिसी 1:4

च आशिकमैं तो जा बिस्‍याँ, ङ्यो परमेश्‍वरए उँइँर छ्याँबै छ्ह थोल् खाँरिगे बिसि चु ह्‍युल बनेब् भन्दा ओंसोंन् ख्रीष्‍टने घ्रिन् लसि खीजी ङ्योलाइ त्‍हाँइ।

एफिसी 4:3

धै पबित्र प्ल्हजी पिंबै शक्‍तिउँइँले क्‍हेमैं छ्याँबै सैंले क्ह्रिसि टिबै भों लद्।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

१ थेसलोनिकी 4:9

अलि-अङाँमैं न्होंरि लल् त्हुबै म्हाँयाए बारेर खाबज्यै क्हेमैंलाइ प्ह्रिल् आत्हु, तलेबिस्याँ घ्रिइ घ्रिने म्हाँया लरिगे बिसि परमेश्‍वरजीन् क्हेमैंने लोमिंइमुँ।

१ तिमोथी 1:5

चर्बै ताँन् प्रभुए फिर बिश्‍वास लब्मैंइ क्ह्रोंसेंन्बै बिश्‍वासउँइँले, छ्याँबै खों प्ह्‍यासि छ्याँबै सैंउँइँले, ताँनने म्हाँया लरिगे बिसि ङइ चु ताँ बिइ।

हिब्रू 6:1

छतसि ङ्योइ ख्रीष्‍टए बारेर्बै ओंसों ह्रबै ताँमैं मत्‍त्रे क्होसि आत। बरु खीए ताँइ बिल् म्हैब तो जा बिसि अझै अरू ताँमैं क्होबै सैं लले, कालउँइँ बोबै केमैंउँइँले सैं एसि परमेश्‍वर फिर बिश्‍वास लबै ताँर मत्‍त्रे ल्हैदिरिब् आङिं,

१ पत्रुस 4:8

ताँन् भन्दा थेबै ताँ: घ्रिइ घ्रिलाइ खोंयोंन् बिलै म्हाँया लरिद्, तलेबिस्याँ म्हाँयाइ लमा ल्‍हें पापमैं या क्षमा तम्।

२ पत्रुस 1:7

खीलाइ छेन्ले म्हाँदिसि ताँन् बिश्‍वासी अलि-अङाँमैंलाइ म्हाँया लबै सैं लद्, झाइले म्हाँया लसि सब् लमिंबै म्हाँया लल् त्‍हुम्।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।

१ यूहन्‍ना 3:23

खीजी बिबै ताँ चुन् ग: खीए च्‍ह येशू ख्रीष्‍टए फिर ङ्योइ बिश्‍वास लल् त्‍हुम्, धै खीजी लद् बिब् धोंले घ्रिइ घ्रिने म्हाँया लल् त्‍हुम्।

१ यूहन्‍ना 4:21

खीजी ङ्योने लद् बिबै ताँ चुन् ग: परमेश्‍वरलाइ म्हाँया लबै म्हिइ ह्रोंसए बिश्‍वासी अलि-अङाँमैंलाज्यै या सैं न्होंउँइँलेन् म्हाँया लल् त्‍हुम्।