कलस्सी 3:1 - परमेश्‍वरए ताँ तमु क्युइर

¹ क्‍हेमैं ख्रीष्‍टने बालुन् सोगों तसि रेइमुँ! छतसि स्‍वर्गर्बै सैमैं म्हैद्। स्‍वर्गर परमेश्‍वरए क्‍योलोउँइँ ख्रीष्‍ट येशू टिइमुँ।

कलस्सी 3:1 ပူးပေါင်းရင်းမြစ်များ

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 16:11

क्हिजी खोंयोंइ आखाँबै छ्ह योंबै घ्याँ ङलाइ उइमिंइमुँ; क्हिने त्होमा ङए सैं बेल्‍ले तोंन् लमिंब्मुँ; क्हिए क्योलो योर खोंयोंन् बिलै सैं तोंल् योंम्।

हितोपदेश 15:24

बुद्धि मुँबै म्हि छ्याँबै घ्याँर प्रसि कैंडो कैंडो ह्‍याम्, बुद्धिइ चलाइ नर्गर ह्‍याबउँइँले जोगेम्।

मत्ती 22:44

‘याहवेहजी ङए प्रभुने बिइ, ङइ क्‍हिए शत्तुरमैं क्‍हिए प्‍हले न्‍होंर आलन् समा क्‍हि ङए क्‍योलोउँइँ टिद्।’

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मत्ती 6:20

छतसि क्‍हेमैंइ ह्रोंसए ल्हागिर स्‍वर्गर सै न्होर खागु लद्। स्‍वर्गरि प्‍हुँलुँज्यै आच, खै या आख धै ह्‍योज्‍यै या ह्‍योल् आखाँ।

मत्ती 6:33

बरु ओंसों क्हेमैंए सैं परमेश्‍वरए ग्याल्सउँइँ ल्‍हैदिद्, खीजी बिब् धोंले ताँन् लद्। धै खीजी चु ताँन् सैमैं क्हेमैंलाइ थप्दिमिंब्मुँ।

मर्कूस 12:36

परमेश्‍वरए पबित्र प्ल्हजी दाऊदने चु ताँ बिद् बिसि परमेश्‍वरजी कुल्मिंबै म्रुँए बारेर छ बिल, ‘ङइ क्‍हिए शत्तुरमैं क्‍हिए प्‍हले न्‍होंर आथेंन् समा क्‍हि ङए क्‍योलोउँइँ टिद्। बिसि याहवेहजी ङए प्रभुने बिल।’

मर्कूस 14:62

येशूजी “अँ ङन् ग बिइ, क्‍हेमैंइ तिगें म्हिए च्ह परमेश्‍वरए क्‍योलो हार टिरिब् नेरो न्हाँम्स्योए न्होंउँइँले युरिब् म्रोंब्‍मुँ।”

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

लूका 12:33

“छतसि क्हेमैंए सै न्होर चुँसि योंबै मुइ आयोंब्मैं पिंन्। झाइले ह्रोंसए ल्हागिर खोंयोंइ स्योब आतबै नेंदोमैं रोसि नाँस आतबै सै न्होर स्‍वर्गर साँन्। स्‍वर्गर थेंबै सै न्होर खोंयोंइ आम्ह, तलेबिस्याँ खाबज्यै ह्‍योल् आँखाँ, झाइले प्‍हुँलुँज्‍यै आच।

लूका 20:42

तलेबिस्याँ ‘प्रभु परमेश्‍वरजी ङए प्रभुने बिइ,

लूका 22:69

दिलेया तारे म्हिए च्ह परमेश्‍वरए थेबै भों नेरो शक्‍ति मुँबै क्‍योलोउँइँ टिब्‍मुँ।”

चेला चिब्मैंए केमैं 2:34

तलेबिस्याँ स्वर्गर क्रेयाबै म्हि दाऊद आङिंल, दिलेया दाऊदइ ह्रोंसै‍न बिइ, ‘याहवेहजी ङए प्रभुने बिइ,

चेला चिब्मैंए केमैं 7:55

दिलेया स्तिफनस परमेश्‍वरए पबित्र प्ल्हजी प्लिंसि स्वर्गउँइँ ङ्ह्‍योरिमा परमेश्‍वरए चारबै ह्‍वे नेरो येशू परमेश्‍वरए क्योलोउँइँ रारिब् म्रोंइ।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

रोमी 8:6

ओंसोंबै बानिए इच्‍छार सैं ह्‍यास्याँ म्‍हि सिम्, परमेश्‍वरए प्ल्हए इच्‍छार सैं ह्‍यास्याँ म्‍हिइ छारा छ्ह नेरो शान्‍ति योंम्।

२ कोरिन्थी 4:18

म्रोंल् खाँबै सैमैंम् नास तयाम्, आम्रोंबै सै खोंयोंन् बिलै तरिम्। छतसि ङि म्रोंबै सैमैंए लिलि आप्र, आम्रोंबै सैमैंए लिलि प्रम्।

एफिसी 4:10

चु पृथ्‍बीर तयुबै म्हि (येशू) ताँन् स्वर्गमैं भन्दा कैंडो क्रेयाइ। तारे खीजी ह्‍युलर मुँबै ताँन् सैमैं खीए सैंर मैंब् धोंलेन् तल् पिंम्।

एफिसी 5:22

ओ च्हमिरिमैं, प्रभुए न्होंर टिब् धोंलेन् ह्रोंसए प्‍युँए न्होंर टिद्।

कलस्सी 2:20

छतसि ख्रीष्‍टने बालुन् क्हेमैं सिसि चु ह्‌युल ग्याल्स ओलेबै मोंमैंउँइँले फ्रेइ। छतमा चु ह्‍युलर्बै म्हिमैंइ धोंले “चु लल् तम्, च लल् आत” बिसि क्हेमैंइ तले छ्ह थोरिमुँ?

कलस्सी 3:2

छतसि क्‍हेमैंए सैं चु पृथ्‍बीर्बै सैर आल्हैदिद्, स्‍वर्गर मुँबै सैमैं म्हैद्।

हिब्रू 1:13

परमेश्‍वरजी खीए च्‍हने बिइ, “क्‍हिए शत्तुरमैं ङइ क्‍हिए प्‍हले न्‍होंर आथेंन् समा, क्‍हि ङए क्‍योलोउँइँ टिद्।” दिलेया स्‍वर्गदूतमैं खाबने या खीजी छ आबि।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 10:12

दिलेया ख्रीष्‍टजी म्‍हिमैं पापउँइँले फ्रेमिंबर ख्रो घ्रि मत्‍त्रे पिंइ। च ख्रो खोंयोंइ तरिम्, धै खी परमेश्‍वरए क्‍योलोउँइँ टिइमुँ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 8:1

ङिइ बिल् म्हैबै थेबै ताँ चुन् ग: ङ्योला छाबै ख्रो पिंबै खेगि क्रथे मुँ, खी स्‍वर्गर ताँन् भन्दा थेबै परमेश्‍वरए क्‍योलोउँइँ (कयोउँइँ) गद्दिर क्हुँइमुँ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।