कलस्सी 2:23 - परमेश्‍वरए ताँ तमु क्युइर

²³ चु छ्यामैंइ बिब् धोंले “छले म्हाँदिल् त्हुम्, छुले म्हाँदिल् त्हुम्!” धै “ह्रोंसए ज्युलाइन बेल्‍ले दुःख पिंसि ह्रोंस च्योंब् लल् त्हुम्!” च ताँमैं बुद्धि मुँब् धों ग बिलेया चमैंल क्ह्रोंसेंन्बै बुद्धि आरे। च छ्यामैंइ ङ्योए ज्युर्बै आछ्याँबै इच्‍छामैं म्हल् लल् आखाँ।

कलस्सी 2:23 ပူးပေါင်းရင်းမြစ်များ

रोमी 13:14

बरु येशू ख्रीष्‍ट धोंन् तबर भों लद्, धै ह्रोंसए सैंउँइँले खबै आछ्याँबै इच्‍छामैं पिवाद्।

एफिसी 5:29

(खाबज्यै या ह्रोंसए ज्युलाइ हेल आल, बरु ख्रीष्‍टजी बिश्‍वासीमैंलाइ म्हाँया लब् धोंले ङ्योइ ह्रोंसए ज्युलाइ सुसर लसि चल् पिंम्।

कलस्सी 2:18

को-कोइइ “ह्रोंसन् च्‍योंब् तसि स्‍वर्गदूतमैंलाइ म्‍हाँदिल् त्‍हुम्,” बिम्। “ङिइ थेबै दर्शन म्रोंइ” बिसि प्हैंम्, चमैंइ खेंमैंए आछ्याँबै सैंइ तोन-तोर्न थेब् प्‍हैंम्। छतसि चमैंइ क्‍हेमैंइ योंल् त्हुबै इनाम योंल् आखाँन् आलरिगे।

कलस्सी 2:22

(च ताँन् सै चसि थुँसि म्‍हयाब् ग।) तलेबिस्याँ च म्‍हिमैंइ लबै छ्यामैं नेरो चमैंइ लोमिंबै ताँ मत्‍त्रे ग।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।

१ तिमोथी 4:3

छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।