कलस्सी 2:14 - परमेश्‍वरए ताँ तमु क्युइर

¹⁴ ङ्योए पापइ लमा ङ्योइ योंल् त्हुबै सजैं प्‍ह्रिथेंबै तमसुक नेरो ङ्योए फिर छ्याब् ल्हैदिबै कानुनमैं परमेश्‍वरजी क्रूसर च्योमिंसि मेटिदिवाइ।

कलस्सी 2:14 ပူးပေါင်းရင်းမြစ်များ

एस्तर 3:12

झाइले ओंसोंबै म्हैंनए च्युसे सों त्हिंइर म्रुँइ बिबै ताँमैं प्ह्रिबर म्हिमैं हुइइ, धै हामानइ बिब् धोंलेन् म्रुँए के लबै चिब्मैं, ताँन् क्ल्ह्‍योर्बै चिबनाँब्मैं नेरो ताँन् क्ल्ह्‍योर्बै ताँन ह्रेंमैंए चिब्मैंलाइ, चमैंए क्युइर्न प्ह्रिछ्या प्ह्रिसि कुलइ। म्रुँ अहासूरसए मिंउँइँलेन् च प्ह्रिछ्या प्ह्रिल, धै च प्ह्रिछ्यार म्रुँए छाप मुँबै च्याए छापै या झोंल।

एस्तर 8:8

दिलेया म्रुँए मिंर प्ह्रिसि चइ च्याए छाप ल्हैदिबै प्ह्रिछ्या खाबज्यै थोल् आखाँ। छतसि तारे क्हेमैंइ क्हेमैंए ल्हागिर खैले छ्याँब तम् ङ्हाँमुँ, छलेन ङए मिंर अर्को प्ह्रिछ्या घ्रि प्ह्रिद्, धै ङए च्याए छाप ल्हैदिद्।”

भजनमैं 51:1

ओ परमेश्‍वर, क्हिए खोंयोंइ आनुबै म्हाँयाइ ङए फिर ल्हयो खमिंन्। क्हिजी लबै थेबै म्हाँयाउँइँले ङए पापमैं त्होमिंन्।

भजनमैं 51:9

ङइ लबै पाप केमैं क्हिजी आङ्‍ह्‍योद्, धै ङइ लबै आछ्याँबै केमैं मेटिमिंन्।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

चेला चिब्मैंए केमैं 3:19

छतसि खीजी क्हेमैंए पाप ख्रुमिंरिगे, खीउँइँले क्हेमैं छिं ङ्हाँन् योंरिगे, झाइले खीजी क्हेमैंए ल्हागिर ओंसोंन् त्हाँबै म्रुँ ख्रीष्‍ट येशू कुल्‍मिंरिगे बिसि

कलस्सी 2:20

छतसि ख्रीष्‍टने बालुन् क्हेमैं सिसि चु ह्‌युल ग्याल्स ओलेबै मोंमैंउँइँले फ्रेइ। छतमा चु ह्‍युलर्बै म्हिमैंइ धोंले “चु लल् तम्, च लल् आत” बिसि क्हेमैंइ तले छ्ह थोरिमुँ?

२ थेसलोनिकी 2:7

तलेबिस्याँ चइ ओंसों ओंनोंन् खाबइ आसेल्‍ले न्हों-न्होंनो आछ्याँबै के लरिइमुँ। तोगो समा परमेश्‍वरजीन् च च्युथेंइमुँ, छतसि परमेश्‍वरजीन् आपिन् समा च त्होंल् खाँरिब् आरे।

हिब्रू 7:18

स्योंम्बै ठिम तोइ लल् आखाँब नेरो केर आफेब मुँ। छतसि परमेश्‍वरजी च ठिम मेटिदिवाइमुँ,

हिब्रू 8:13

परमेश्‍वरजी चु बाछाने, “छारा,” बिसि ओंसोंबै बाछा स्योगो लामिंइ, छले चु बाछा केर आफेब् तसि युनन् म्‍हयाम्।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।