कलस्सी 2:12 - परमेश्‍वरए ताँ तमु क्युइर

¹² छलेन क्‍हेमैं क्‍युर प्‍ल्हुँसि बप्‍तिस्मा किंमा क्हेमैं ख्रीष्‍टनेन् बालु सिसि पाब् ग। परमेश्‍वरजी ख्रीष्‍टलाइ सिबइले धबै सोगों लमिंल, धै क्हेमैंइ खीए शक्‍तिए फिर बिश्‍वास लबइले खीजी क्हेमैंलाज्यै या ख्रीष्‍टनेन् बालु सोगों लमिंइमुँ।

कलस्सी 2:12 ပူးပေါင်းရင်းမြစ်များ

लूका 17:5

कुल्मिंबै चेला चिब्मैंइ प्रभुने बिइ, “ओ प्रभु, ङिए बिश्‍वास बडिमिंन्।”

चेला चिब्मैंए केमैं 14:27

झाइले चमैं एन्‍टिओखियार फेखसि चर्चर्बै म्हिमैं खागु लसि परमेश्‍वरजी खेंमैंउँइँले लबै ताँन् केमैं सुनेइ, धै परमेश्‍वरजी खैले अरू ह्रेंमैंए ल्हागिर प्रभुए फिर बिश्‍वास लबै म्रा थोंमिंइ बिबै ताँ या बिइ।

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

रोमी 4:24

ङ्योए ल्हागिरै या प्‍ह्रिब् ग। तलेबिस्याँ प्रभु येशूलाइ सिबइले धबै सोगों लमिंबै परमेश्‍वरए फिर ङ्योइ बिश्‍वास लइमुँ। चु बिश्‍वासइ लमा ङ्योलाज्यै या “परमेश्‍वरजी ठिक ठर्दिमिंब्‍मुँ।”

रोमी 7:4

छतसि ओ ङए अलि-अङाँमैं, सिबउँइँले धबै सोगों तबै ख्रीष्‍टए ज्युने घ्रिन् तसि परमेश्‍वरए सैंर मैंब् धोंले लल् खाँरिगे बिसि ख्रीष्‍ट सिब् धोंलेन् क्हेमैं या ठिमए लेखि सिइमुँ।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।

गलाती 3:27

तलेबिस्याँ क्‍हेमैं बप्‍तिस्‍मा किंब्मैं ख्रीष्‍टने घ्रिन् तइमुँ। छतसि छारा क्‍वें खिब् धोंलेन क्हेमैंइ ख्रीष्‍टए छ्याँबै बानि किंइमुँ।

एफिसी 2:8

छतसि परमेश्‍वरए दयाम्हाँयाइ लमन् क्‍हेमैंए बिश्‍वासउँइँले क्हेमैंइ मुक्‍ति योंइमुँ। क्हेमैंइ छ्याँबै केमैं लसि चु मुक्‍ति योंब आङिं, चुम् परमेश्‍वरजी छलेन् पिंब् ग।

एफिसी 3:17

छलसि क्‍हेमैंइ प्रभु येशू ख्रीष्‍टए फिर बिश्‍वास लमा क्‍हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्‍यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे।

एफिसी 3:7

खीए दयाम्हाँयाउँइँले शक्‍तिए बरदान पिंसि परमेश्‍वरजी ङलाइ सैं तोंबै ताँ बिप्रबै म्‍हि लमिंइ।

एफिसी 4:5

प्रभु घ्रि मुँ, बिश्‍वास लबै घ्‍याँ घ्रिन् मुँ, बप्‍तिस्‍मा किंबै मतलबै या घ्रिन् मुँ,

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

फिलिप्पी 1:29

क्हेमैंइ ख्रीष्‍टए फिर बिश्‍वास लब मत्‍त्रे आङिं, खीए ल्हागिर दुःख नोसि खीए सेवा लबर दयाम्हाँया योंइमुँ।

कलस्सी 1:29

ङए सैं न्होंर ख्रीष्‍टजी थेंमिंबै भोंउँइँले ङ खैबै दुःखन् तलेया चु के लम्।

कलस्सी 2:13

ओंसों क्‍हेमैं ह्रोंसए पाप नेरो ज्युर चिनु आलबइले सिरिल, दिलेया परमेश्‍वरजी ङ्योए ताँन् पाप क्षमा लमिंसि ख्रीष्‍टने बालुन् सोगों लमिंइ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 6:2

बप्‍तिस्मा बारेर्बै ताँमैं, यो थेंसि आशिक पिंबै ताँमैं, परमेश्‍वरजी म्हिमैं सिबउँइँले धबै सोगों लमिंबै ताँमैं धै परमेश्‍वरजी म्हिमैंए निसाफ लमा खोंयोंइ दण्ड योंरिल् त्हुम् बिबै ताँमैं लाछेंरि आटिले।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।