कलस्सी 2:11 - परमेश्‍वरए ताँ तमु क्युइर

¹¹ ख्रीष्‍टए फिर बिश्‍वास लसि क्हेमैं ज्युर चिनु लब् धोंन् तइ। दिलेया च ज्युर चिनु लब म्‍हिमैंइ लब आङिं, ख्रीष्‍टजी लबै सैंर्बै चिनु ग। ख्रीष्‍टजी च सैंर्बै चिनु लमा क्हेमैंए सैंर्बै आछ्याँबै सिमैं थोवाइ।

कलस्सी 2:11 ပူးပေါင်းရင်းမြစ်များ

मर्कूस 14:58

“‘म्‍हिमैंइ बनेबै चु मन्दिर फुवासि म्‍हिए योइ आबनेबै अर्को मन्दिर ङइ सोंरोर्न बनेब्‍मुँ,’ बिब ङिइ थेइ।”

लूका 2:21

प्‍हसे फिसि प्रेरोर कोलोए ज्युर चिनु लसि खीए मिं येशू थेंइ, तलेबिस्याँ च मिं प्‍हसे नोब् भन्दा ओंसोंन् स्‍वर्गदूतइ आमाने बिथेंल।

चेला चिब्मैंए केमैं 17:24

परमेश्‍वरजी ह्‍युल नेरो चर मुँबै तोन्दोंरि सैमैं बनेमिंइ। खी स्वर्ग नेरो पृथ्बीर्बै प्रभु तबइले म्हिमैंए योइ बनेबै मन्दिरर खी आटि।

चेला चिब्मैंए केमैं 7:48

“दिलेया म्हिमैंए योइ बनेबै धिंमैंर धाँसे थेबै परमेश्‍वर आटि। अगमबक्‍ताइ छलेन बिइमुँ,

रोमी 2:29

बरु सैं न्‍होंर परमेश्‍वरजी चिनु लबै म्‍हि क्‍ह्रोंसेंन्‍बै यहूदी ग। चु सैं न्‍होंर चिनु लबै के ठिमइ लल् आखाँ, चु परमेश्‍वरए प्ल्हइ लबै के ग। छाबै म्‍हिइ म्‍हिमैंउँइँले आङिं, परमेश्‍वरउँइँले मान योंम्।

रोमी 6:6

ङ्योइ पाप आलरिगे धै ङ्यो पापए न्होंर आटिरिगे बिसि परमेश्‍वरजी ङ्योए ओंसोंबै छ्ह येशू ख्रीष्‍टने बालु क्रूसर च्योवाइमुँ बिब ङ्योइ सेइमुँ।

रोमी 7:24

ओहो, ङ खैबै ङ्‍हो आसबै म्‍हि! ङलाइ सैवाबै आछ्याँबै इच्‍छाए न्होंरउँइँले खाबइ ङ जोगेमिंब् ङ्‍हे?

२ कोरिन्थी 5:1

चु ङ्योए ज्यु नास तयाम् बिसि ङ्योइ सेइमुँ। दिलेया परमेश्‍वरजी खोंयोंइ नास आतबै स्‍वर्गर्बै धिं ङ्योए ल्हागिर बनेथेंइमुँ। च धिं म्‍हिमैंइ बनेब आङिं, परमेश्‍वरजीन् ङ्योए ल्हागिर बनेमिंब् ग।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

एफिसी 4:22

छतसि ह्रोंसलाइ नास लवाबै ओंसोंबै धों तबै आछ्याँबै केमैं लबै बानि ब्योर क्हेमैंइ पिवाद!

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

कलस्सी 3:5

छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।

हिब्रू 9:11

दिलेया ख्रीष्‍ट बिस्याँ युल् खाँबै ताँन् भन्दा छ्याँबै सैमैंए ख्रो पिंबै खेगि क्रथे तसि युइ। खी अझै थेब नेरो पबित्र क्ल्ह्‍योउँइँले ह्‍याइ, च क्ल्ह्‍यो म्‍हिमैंइ बनेब आङिं। धै चु ह्‍युलर्बै सै या आङिं।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।