कलस्सी 2:1 - परमेश्‍वरए ताँ तमु क्युइर

¹ क्हेमैं कलस्सिथेंमैं, लाउडिकियाथेंमैं नेरो ङ खोंयोंइ या आम्रोंब्‍मैं ताँनए ल्हागिरै या ङइ बेल्‍ले दुःखले के लइमुँ बिबै ताँ क्‍हेमैंइ सेरिगे बिब ङए सैं मुँ।

कलस्सी 2:1 ပူးပေါင်းရင်းမြစ်များ

उत्पत्ति 30:8

छतमा राहेलइ बिइ, “ङइ बेल्‍ले नेसि ङए आनलाइ ट्होइ।” छतसि चइ च च्हए मिं नप्‍ताली थेंइ।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

चेला चिब्मैंए केमैं 20:25

“क्हेमैंए म्हाँजोर ङइ परमेश्‍वरए ग्याल्सर्बै ताँ बिदै प्रइ, तारे क्हेमैंइ ङ धबै खोंयोंन् बिलै म्रोंरिब् आरे बिसि ङइ सेइमुँ।

चेला चिब्मैंए केमैं 20:38

“तारे क्हेमैंइ ङ म्रोंरिब् आरे” बिबै पावलए ताँ मैंसि चमैंए सैं बेल्‍ले क्रोइ। च लिउँइँ चमैंइ चलाइ क्यु झाज क्रेबै क्ल्ह्‍यो समा सनेइ।

गलाती 4:19

ओ, ङए कोलोमैं, क्‍हेमैंए बानि ब्योर ख्रीष्‍टए बानि ब्योर धों आतन् समा सुत्‍केरि बेथा ल्‍हैदिसि नबै च्हमिरि धोंले ङए सैं नसिन् मुँ।

फिलिप्पी 1:30

ङइ ओंसों दुःख योंब क्‍हेमैंइ म्रोंइमुँ, अझै छाबन् दुःख योंरिइमुँ बिब क्हेमैंइ थेइमुँ। छले ङइ योंब् धों तबै दुःखरै या क्‍हेमैं ङने बालु प्रइन मुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

कलस्सी 1:29

ङए सैं न्होंर ख्रीष्‍टजी थेंमिंबै भोंउँइँले ङ खैबै दुःखन् तलेया चु के लम्।

कलस्सी 2:5

तलेबिस्याँ ङ क्हेमैंउँइँले ह्रेंगो मुँलेया ङ खोंयोंन् बिलै क्हेमैंलाइ मैंरिम्। क्‍हेमैं ख्रीष्‍टए फिर बिश्‍वास लबर भोंब् तसि बालुले टिरिब् म्रोंसि ङए सैं तोंइमुँ।

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”