कलस्सी 1:25 - परमेश्‍वरए ताँ तमु क्युइर

²⁵ परमेश्‍वरजी पिंबै सैं तोंबै ताँ ङइ क्हेमैंलाइ छेनाले बिमिंरिगे बिसि खीजी बिश्‍वासीमैंए ल्हागिर के लबै म्हि ङ तल् पिंइमुँ।

कलस्सी 1:25 ပူးပေါင်းရင်းမြစ်များ

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

१ कोरिन्थी 9:17

ङइ ह्रोंसए इच्छाइ चु के लस्याँ चु केए नों सै म्हैमल। बरु चु के ङइ ललन् त्हुबै के ग, तलेबिस्याँ परमेश्‍वरजी ङलाइ चु के लबै जिम्‍मा पिंइमुँ।

एफिसी 3:2

अरू ह्रेंमैंए फिरै या खीए दयाम्हाँया उँइँबर परमेश्‍वरजी क्‍हेमैंए ल्हागिर्न ङलाइ खटिदिइमुँ बिसि क्‍हेमैंज्यै सेइमुँ।

एफिसी 3:7

खीए दयाम्हाँयाउँइँले शक्‍तिए बरदान पिंसि परमेश्‍वरजी ङलाइ सैं तोंबै ताँ बिप्रबै म्‍हि लमिंइ।

कलस्सी 1:23

छतसि येशू ख्रीष्‍टए फिर भोंन्ले बिश्‍वास लसि क्‍हेमैंइ ख्रीष्‍टउँइँले खबै सैं तोंबै ताँउँइँले योंबै आशा आपिल्‍ले टिद्। (च आशा तो मुँ बिस्याँ ङ्यो येशूने बालु स्‍वर्गर तब्मुँ।) चु सैं तोंबै ताँ बिप्रबै ल्हागिर परमेश्‍वरजी ङ पावलइ या के लबर त्हाँइमुँ, धै चु ताँ स्वर्ग न्होंरि ह्‍युल तिगोंन् ताँन् म्‍हिमैंने बिमिंइमुँ।

१ थेसलोनिकी 3:2

ङ्योए अलि तिमोथी क्‍हेमैं ङाँर कुलइमुँ। च परमेश्‍वरए सेवा लसि येशू ख्रीष्‍टए बारेर्बै सैं तोंबै ताँ बिप्रबै म्हि ग।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।