कलस्सी 1:2 - परमेश्‍वरए ताँ तमु क्युइर

² कलस्‍सी नाँसर मुँबै बिश्‍वासीमैंलाइ जय मसीह मुँ। क्हेमैं येशू ख्रीष्‍टए फिर बिश्‍वास लबै ङिए अलि-अङाँमैं नेरो परमेश्‍वरए म्‍हिमैं ग। ङ्योए परमेश्‍वर आबाजी क्‍हेमैंए फिर खीए दयाम्हाँया नेरो शान्ति पिंरिगे।

कलस्सी 1:2 ပူးပေါင်းရင်းမြစ်များ

भजनमैं 16:3

इस्राएल ह्‍युलर्बै परमेश्‍वरए म्हिमैं बेल्‍ले कालदिब मुँ, चमैं म्रोंसि ङ सैं तोंरिम्।

चेला चिब्मैंए केमैं 9:13

दिलेया हननियाइ बिइ, “प्रभु, चु म्हिइ यरूशलेमर क्‍हिए म्हिमैं फिर बेल्‍ले दुःख पिंइँमुँ बिबै ताँ ङइ ल्हें म्हिउँइँले थेइमुँ।

रोमी 1:7

परमेश्‍वरजी क्‍हेमैंए फिर म्हाँया लसि खीए म्‍हिमैं तरिगे बिसि त्‍हाँइमुँ। छतसि क्‍हेमैं रोमर टिब्‍मैंलाइ ङइ चु ताँमैं प्‍ह्रिसिन् मुँ: ङ्योए परमेश्‍वर आबा नेरो प्रभु येशू ख्रीष्‍टउँइँले क्‍हेमैंए फिर दयाम्हाँया नेरो शान्‍ति तरिगे।

१ कोरिन्थी 1:2

कोरिन्थ सहरर्बै बिश्‍वासी अलि-अङाँमैंलाइ जय मसीह मुँ। परमेश्‍वरजी क्हेमैंलाइ खीए म्हिमैं तबर हुइमुँ। क्हेमैं नेरो क्ल्ह्‍यो-क्ल्ह्‍योर्बै ङ्योए प्रभु येशू ख्रीष्‍टए फिर बिश्‍वास लबै ताँन् म्हिमैंए प्रभु येशू ख्रीष्‍टन् ग। परमेश्‍वरजी क्हेमैं नेरो चमैं ताँनलाइ ख्रीष्‍ट येशूने घ्रिन् लसि पबित्र लइमुँ।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

गलाती 1:3

ङ्योए परमेश्‍वर आबा नेरो प्रभु येशू ख्रीष्‍टउँइँले क्हेमैंइ दयाम्हाँया नेरो छिं ङ्हाँल् योंरिगे।

गलाती 3:9

छतसि अब्राहामइ परमेश्‍वरए फिर बिश्‍वास लसि आशिक योंइ, च धोंलेन् अरू म्हिमैंज्यै या परमेश्‍वरए फिर बिश्‍वास लस्याँ आशिक योंब्मुँ।

एफिसी 1:1

परमेश्‍वरए इच्‍छाउँइँले येशू ख्रीष्‍टजी कुल्मिंबै चेला चिब ङ पावलउँइँले एफिसस सहरर मुँबै बिश्‍वासीमैंलाइ जय मसीह मुँ।

एफिसी 6:21

ङ खैबै म्हि जा, ङइ तो के लमुँ बिबै ताँ ङइ खोबै अलि तुखिकसइ क्‍हेमैंने बिमिंब्मुँ। चइ प्रभुए ल्हागिर छेनाले के लम्।

फिलिप्पी 1:1

ङि ख्रीष्‍ट येशूए केब्छैंमैं पावल नेरो तिमोथीउँइँले फिलिप्‍पी सहरर्बै बिश्‍वासीमैं नेरो छैं लबै चिबनाँब्मैं धै ल्होमिंबै डिकनमैंलाइ जय मसीह मुँ। क्हेमैं ख्रीष्‍ट येशूने घ्रिन् तसि टिब्मैं ग।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।

२ पत्रुस 1:2

क्हेमैंइ परमेश्‍वर नेरो ङ्योए प्रभु येशूलाइ ङो सेइमुँ, छतसि खीए दयाम्हाँया नेरो शान्ति क्‍हेमैंने ल्हें ततै ह्‍यारिगे।

यहूदाइ प्‍ह्रिबै प्ह्रिछ्या 1:2

छतसि क्‍हेमैंए फिर थेबै दया, शान्ति नेरो म्हाँया ल्हें तदै ह्‍यारिगे।

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।