कलस्सी 1:19 - परमेश्‍वरए ताँ तमु क्युइर

¹⁹ तलेबिस्याँ खीने मुँबै ताँन् गुनमैं ख्रीष्‍टने मुँबइले परमेश्‍वर सैं तोंइ।

कलस्सी 1:19 ပူးပေါင်းရင်းမြစ်များ

लूका 10:21

च त्‍हेर्न येशू परमेश्‍वरए पबित्र प्ल्हजी प्लिंसि सैं तोंदै बिइ, “ओ आबा, स्वर्ग नेरो पृथ्‍बीर्बै क्‍ल्‍हे क्हिन् ग, ज्ञान मुँब्‍मैं नेरो ह्रब्-सेब्मैंउँइँले लोथेंबै छ्याँबै ताँ कोलोमैं धों तबै तोइ आह्र आसेब्मैंलाइ क्‍हिइ क्होमिंइमुँ। ओ आबा, क्‍हिजी छान् लब छ्याँब ङ्हाँइ। छतसि ङ क्हिलाइ धन्यबाद पिंमुँ।

यूहन्‍ना 1:16

खी दयाम्हाँयाइ प्लिंबइले ङ्योइ दयाम्हाँया फिर झन् थेबै दयाम्हाँया योंइँमुँ।

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

एफिसी 1:23

ङ्यो बिश्‍वासीमैं ख्रीष्‍टए ज्यु ग। झाइले ङ्यो ख्रीष्‍टए ज्यु तसेरो ख्रीष्‍ट ङ्योए सैं न्‍होंर टिसि खीजी ङ्योलाइ खी धों तल् लमिंम्। छले ख्रीष्‍टजी ह्रोंसए सैंर मैंब् धोंले ताँन् सै तल् पिंम्।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।

एफिसी 1:5

परमेश्‍वरजी ङ्योए फिर म्हाँया लसि येशू ख्रीष्‍टउँइँले खीए सन्तान तबर ङ्योलाइ ओंसों ओनोंन् त्‍हाँल। ओंसों ओंनोंन् खीजी ङ्योलाइ त्हाँबै सैं लल।

एफिसी 4:10

चु पृथ्‍बीर तयुबै म्हि (येशू) ताँन् स्वर्गमैं भन्दा कैंडो क्रेयाइ। तारे खीजी ह्‍युलर मुँबै ताँन् सैमैं खीए सैंर मैंब् धोंलेन् तल् पिंम्।

कलस्सी 2:3

तलेबिस्याँ ताँन् ज्ञान बुद्धिमैं ख्रीष्‍टनेन् मुँ।

कलस्सी 2:9

छतसि छाबै स्‍योर ताँ आक्‍वेंन्, तलेबिस्याँ परमेश्‍वरने मुँबै ताँन् गुनमैं येशू ख्रीष्‍टने मुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।