कलस्सी 1:18 - परमेश्‍वरए ताँ तमु क्युइर

¹⁸ खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

कलस्सी 1:18 ပူးပေါင်းရင်းမြစ်များ

भजनमैं 89:27

चलाइ ङए च्ह थेब लमिंब्मुँ, पृथ्बीर्बै म्रुँमैंए न्होंर ताँन् भन्दा थेब चलाइ लमिंब्मुँ।

मत्ती 23:8

“दिलेया खाबज्यै या क्‍हेमैंने ‘गुरु’ आबिरिगे, तलेबिस्याँ क्‍हेमैंलाइ लोमिंबै गुरु घ्रि मत्‍त्रे मुँ, छतसि क्‍हेमैं ताँन् आघें-अलिमैं ग।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

यूहन्‍ना 1:1

ताँन् भन्दा ओंसों बचन मुँल। च बचन परमेश्‍वरने बालु मुँल। धै बचन परमेश्‍वरन् मुँल।

यूहन्‍ना 1:16

खी दयाम्हाँयाइ प्लिंबइले ङ्योइ दयाम्हाँया फिर झन् थेबै दयाम्हाँया योंइँमुँ।

यूहन्‍ना 1:27

खी ङए लिलि युलेया खीए जुत्ताए तनि प्‍ल्ह्‍बर ङ्हेंब ङ आरे।”

चेला चिब्मैंए केमैं 26:23

तो ताँमैं जा बिस्याँ, परमेश्‍वरजी कुल्मिंबै म्रुँ ख्रीष्‍टजी दुःख योंसि सिल् त्हुब्मुँ, धै सिसि धबै सोगों तब्मैंए न्होंर ताँन् भन्दा ओंसों खी सोगों तसि ह्रोंसए यहूदी ह्रें नेरो अरू ह्रेंमैंने या परमेश्‍वरए ह्‍वे सेल् पिंब्मुँ बिसि चमैंइ बिल।”

रोमी 8:29

तलेबिस्याँ खीए च्‍ह येशू ल्हें अलि-अङाँमैं न्‍होंर्बै च्ह थेब तरिगे बिसि खीजी ओंसोंन् ङो सेबै म्‍हिमैंलाइ ह्रोंसए च्‍ह-च्हमिमैं लबै ल्हागिर त्हाँइ।

१ कोरिन्थी 11:3

अझै क्‍हेमैंइ चु ताँ सेरिगे बिब ङए सैं मुँ: ख्रीष्‍ट ताँन् म्हिमैंए क्र ग, झाइले प्युँ प्ह्रेंस्योए क्र ग, परमेश्‍वर ख्रीष्‍टए क्र ग।

१ कोरिन्थी 12:27

क्‍हेमैं ताँन् ख्रीष्‍टए ज्यु ग। झाइले ताँन् म्‍हिमैं च ज्युर्बै भागमैं ग।

१ कोरिन्थी 15:25

तलेबिस्याँ परमेश्‍वरजी खीए शत्तुरमैं ताँन् ट्होवासि ख्रीष्‍टए प्‍हले न्‍होंर आथेंन् समा ख्रीष्‍टजी ग्याल्स ललन् त्‍हुम्।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

एफिसी 5:23

ख्रीष्‍ट बिश्‍वासीमैंए क्र तब् धोंले प्युँ प्‍ह्रेंस्‍योए क्र ग। धै बिश्‍वासीमैंलाइ जोगेमिंब ख्रीष्‍टन् ग, धै बिश्‍वासीमैं खीए ज्युन् ग।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

कलस्सी 2:19

छाबै म्‍हिमैं ख्रीष्‍टए लिलि आप्र। ख्रीष्‍ट क्र ग, झाइले बिश्‍वासीमैं ताँन् खीए ज्यु ग, धै ख्रीष्‍टउँइँलेन् ताँन् ज्युइ भों योंम्। छले मत्‍त्रे अँख्ला बाख्लमैं त्हुँसि ज्यु तम्। छतसि परमेश्‍वरए सैंर मैंब् धोंलेन् ज्यु बडिदै ह्‍याम्।

१ यूहन्‍ना 1:1

खोंयोंइ आखाँबै छ्ह पिंबै बचन ओंसों ओंनोंन् मुँल। खीए बारेर ङिइ थेइमुँ, ङिए मिइन खीलाइ म्रोंइमुँ, ङिए योइन छुइमुँ।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 1:8

“ताँन् भन्दा ओंसोंबै नेरो ताँन् भन्दा लिउँइँबै ङन् ग। बिसि तोन्दोंरि लल् खाँबै परमेश्‍वरजी बिइमुँ, खी मुँल, मुँ, लिउँज्यै या युब्‍मुँ। ग!”

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 21:6

खीजी धबै बिइ, “लल् त्हुबै ताँन् केमैं लल् खाँइ! ताँन् भन्दा ओंसोंबै नेरो ताँन् भन्दा लिउँइँबै ङन् ग, तों लबै ङन् ग, तों नुबै या ङन् ग। क्‍यु पिब्‍मैंलाइ ङइ खोंयोंइ आखाँबै छ्ह पिंबै क्‍यु मूलउँइँले छलेन् थुँल् पिंब्‍मुँ।

दर्शन 22:13

“ताँन् भन्दा ओंसोंबै नेरो ताँन् भन्दा लिउँइँबै ङन् ग, तों लबै ङन् ग, तों नुबै या ङन् ग।”

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।