कलस्सी 1:16 - परमेश्‍वरए ताँ तमु क्युइर

¹⁶ तलेबिस्याँ ख्रीष्‍टउँइँलेन् परमेश्‍वरजी स्‍वर्ग नेरो पृथ्‍बीर्बै ताँन् सैमैं बनेइ। म्रोंल् खाँबै सैमैं, म्रोंल् आखाँबै सैमैं, ताँन् शक्‍ति मुँबै सैमैं परमेश्‍वरजी ख्रीष्‍टउँइँलेन् ख्रीष्‍टए ल्हागिर्न बनेइ।

कलस्सी 1:16 ပူးပေါင်းရင်းမြစ်များ

हितोपदेश 16:4

याहवेहजी तोन्दोंरि सैमैं खीए सैंर मैंब् धोंले बनेइमुँ, खीजी दुष्‍ट म्हिमैं या नास तबै त्हिंइए ल्हागिर साँथेंइमुँ।

यूहन्‍ना 1:10

खी ह्‍युलर युल् खाँल। ह्‍युल खीजीन् बनेइ, दिलेया ह्‍युलर्बै म्हिमैंइ खीलाइ ङो आसे।

यूहन्‍ना 1:3

तोन्दोंरि सै खीजीन् बनेइ, बनेबै तोन्दोंरि सैमैं खी बिना आबन्दि।

रोमी 11:36

तलेबिस्याँ परमेश्‍वरजी तोन्दोंरि सै बनेइ, तोन्दोंरि सै खीउँइँलेन् खीए ल्हागिर्न ग। परमेश्‍वरए मिं खोंयोंन् बिलै थेब तरिगे। आमेन, छान् तरिगे।

रोमी 8:38

तलेबिस्याँ ङइ चु ताँ पक्‍का था सेइमुँ: तो सैज्‍यै या ङ्योलाइ ख्रीष्‍टजी लबै म्हाँयाउँइँले फ्रेवाल् आखाँ। स्‍वर्गदूतमैंइ, ह्‍युलर्बै भों मुँबै सैमैंइ, आछ्याँबै भों मुँबै सैमैंइ, तोगो तरिबै सैमैंइ, लिउँइँ तखबै सैमैंइ, अथवा कालइ,

रोमी 9:5

स्योंम्बै मिं कालदिबै थे-थेबै चिबनाँब्मैं यहूदीमैंए खेमैंन् ग। धै ख्रीष्‍ट या म्‍हि तसि च ह्रेंर्न फिइ। म्‍हि तनाबिलेया खी ताँन् म्‍हिमैंए फिर ग्याल्स लबै परमेश्‍वर ग। छतसि खोंयोंन् बिलै खीए मिं थेब् लल् त्हुम्। आमेन, छान् तरिगे।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

फिलिप्पी 2:10

छतसि स्वर्गरि, पृथ्‍बी फिर नेरो पृथ्‍बी न्होंरि मुँबै ताँन् सो प्ह्‍याबै सैमैंइ येशूए मिंर च्हि तुँल् त्हुब्मुँ।

कलस्सी 1:15

म्‍हिमैंइ परमेश्‍वर म्रोंल् आखाँ, दिलेया परमेश्‍वर खैब मुँ, येशू ख्रीष्‍टै या छाबन् मुँ। परमेश्‍वरजी ह्‍युल बनेब् भन्दा ओंसोंन् ख्रीष्‍ट मुँल, खी ताँन् बनेबै सै भन्‍दा थेब ग।

कलस्सी 1:20

छले क्रूसर येशूजी कोए ख्रो पिंबइले परमेश्‍वरजी पृथ्‍बी नेरो स्‍वर्गर मुँबै ताँन् सैमैं खीने बालुन् क्ह्रिल् लमिंइ।

कलस्सी 2:10

क्हेमैं ख्रीष्‍ट येशूने घ्रिन् तबइले छ्हर योंल् त्हुबै ताँन् सैमै योंबै क्ल्ह्‍योर क्हेमैं फेखइमुँ। ताँन् शक्‍तिमैं नेरो ग्याल्समैंए फिर्बै थेब खीन् ग।

कलस्सी 2:15

येशू ख्रीष्‍ट क्रूसर सिमिंसि खीजी च ताँन् दुष्‍टए शक्‍ति मुँबै सैमैं केर आफेब् लवासि ट्होवाइमुँ। धै “चमैं ताँन् ङए न्होंर मुँ” बिसि खीजी ताँन् म्‍हिमैंए उँइँरि चमैं फाफेल् लवाइ।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।

हिब्रू 2:10

परमेश्‍वरजी खीउँइँलेन् ताँन् सै बनेइ बनेबै ताँन् सै खीए ल्हागिर्न बनेइ। चु बेल्‍ले छ्याँब मुँल। परमेश्‍वरजी ल्‍हें सन्तानमैं खीने बालुन् मान योंबै क्ल्ह्‍योर पखबै ल्हागिर चमैंए मुक्‍ति पिंबै येशूलाइ ल्‍हें दुःख नोल् पिंसि म्हिमैंए पाप त्होमिंइ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।