चेला चिब्मैंए केमैं 9:8 - परमेश्‍वरए ताँ तमु क्युइर

⁸ शाऊल रेसि मि ङ्‍ह्‍योमा चइ तोइ म्रोंल आखाँल। छतमा चने ह्‍याबै थुमैंइ च डोरेसि दमस्कसर पखइ।

चेला चिब्मैंए केमैं 9:8 ပူးပေါင်းရင်းမြစ်များ

उत्पत्ति 14:15

अब्रामइ ह्रोंसए म्हिमैं टोलि-टोलि लसि फेलइ धै म्हुँइँसर शत्तुरमैंए फिर ह्‍वानेमा चमैंलाइ ट्होवाइ। धै दमस्कसए उत्तरउँइँबै होबा समा चमैं ल्हाबोइ।

उत्पत्ति 19:11

झाइले चमैंइ म्रा बैरु मुँबै ताँन् म्हिमैंए मि आम्रोंब् लवाइ। धै च म्हिमैंइ म्रा स्याल् आखाँ।

प्रस्थान 4:11

छबिमा याहवेहजी चने बिइ, “म्हिए सुँ खाबइ बनेइ? म्हिलाइ लडा, न्ह आथेब, मि म्रोंब, आम्रोंब खाबइ लमिंम्? ङ याहवेहजीन् आङिं वा?

चेला चिब्मैंए केमैं 13:11

तारे ङ्‍ह्‍योद्, प्रभुए यो क्हिए फिर फेइमुँ! तारे क्हि तिस्याँदे समा त्हिंयाँए ह्‍वे म्रोंल् आखाँसि कन तयाब्मुँ।” छबिबै तोंदोंन् म्हस्यो नेरो मिछु खैबइ चए मि हुवाइ। छतमा खाबज्यै चए यो क्हासि डोरेमिंम् उ ङ्हाँसि च छाम-छुम् लबर होंइ।

चेला चिब्मैंए केमैं 22:11

च ह्‍वे चाराबै लमा ङइ तोइ म्रोंल् आखाँ। छतसि ङने मुँब्मैंइ डोरेदै ङ दमस्‍कसर पखइ।

चेला चिब्मैंए केमैं 9:18

हननियाइ छ बिबै तोंदोंन् शाऊलए मिर्बै ताँगए कत्‍ला धों तबै सै खारयासि चइ धबै मि म्रोंइ। धै च रेसि बप्‍तिस्मा किंइ।

चेला चिब्मैंए केमैं 9:9

सोंरो समा च मि आम्रोंब् तयाइ, धै चइ चब्-थुँब या तोइ आल।

२ कोरिन्थी 11:32

ङ दमस्‍कस सहरर मुँमा अरितस म्रुँए न्होंर्बै क्रथेइ ङलाइ क्‍हाबै ल्हागिर सहरए मुल म्रार पालेमैं थेंल।

गलाती 1:17

ङ भन्दा ओंसोंन् कुल्मिंबै चेला चिब तब्‍मैं ङाँर सल्‍ला किंबर यरूशलेमर आह्‍याल। बरु ङ युनन् अरब बिबै ह्‍युलर ह्‍याइ, च लिउँइँ दमस्‍कस सहरर एखइ।