चेला चिब्मैंए केमैं 9:4 - परमेश्‍वरए ताँ तमु क्युइर

⁴ छतमा च सर क्हुरियाइ, धै “ओ शाऊल, शाऊल, क्हिइ तले ङ छले ह्रुगुदिरिमुँ?” बिबै कै चइ थेइ।

चेला चिब्मैंए केमैं 9:4 ပူးပေါင်းရင်းမြစ်များ

उत्पत्ति 16:8

झाइले स्वर्गदूतइ बिइ, “ओ साराईए केब्स्यो हागार, खनिउँइँले खल? खनिर ह्‍याबर होंल?” चइ बिइ, “ङए नेब्स्यो साराईउँइँले भौदिरिलो।”

उत्पत्ति 22:11

दिलेया याहवेहए दूत घ्रिइ स्वर्गउँइँले चलाइ कै तेसि बिइ, “ओ अब्राहाम, अब्राहाम!” चइ बिइ, “होइ, ङ चुर्न मुँ।”

उत्पत्ति 3:9

दिलेया याहवेह परमेश्‍वरजी “क्हि खनिर मुँ?” बिसि म्हिलाइ हुइ।

प्रस्थान 3:4

मोशा च ङ्ह्‍‍योबर छाइ ह्‍यारिब याहवेहजी म्रोंइ। धै झ्‍याडिए म्हाँजोउँइँले “ओ मोशा, मोशा” बिसि परमेश्‍वरजी हुइइ। मोशाइ “ङ चुर्न मुँ,” बिइ।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

लूका 10:41

दिलेया प्रभु येशूजी चने बिइ, “ओ, मार्था क्‍हिइ ल्‍हें ताँर न्हुँ लम्।

यूहन्‍ना 18:6

येशूजी चमैंने “ङम् ङन् ग” बिमा चमैं ताँन् लिउँइँ स्योयाइ धै सर क्हुरियाइ।

यूहन्‍ना 20:16

येशूजी चने “ओ मरियम” बिमा चइ खी ङाँइ तोसि हिब्रू क्युइर खीने “रब्‍बोनि” बिइ। (छ बिब “ओ गुरुज्‍यू” ग।)

यूहन्‍ना 21:15

चमैंइ चल् खाँबै लिउँइँ येशूजी सिमोन पत्रुसने “ओ यूहन्‍नाए च्ह सिमोन, क्हिइ ङने चुमैंइ भन्दा ल्हें म्हाँया लम्मा?” बिमा चइ खीने बिइ, “अँ प्रभु, ङइ क्हिलाइ म्हाँया लम् बिब क्हिजी सेइमुँ।” खीजी चने बिइ, “छ बिस्याँ ङए क्यु झजमैं चल् पिंन्।”

चेला चिब्मैंए केमैं 5:10

छ बिबै तोंदोंन् सफिरा पत्रुसए प्हले ङाँर क्हुरिह्‍यासि सो पिवाइ। धै फ्रेंसिमैं न्होंर खमा च सियाल् खाँब् म्रोंसि बैरु बोसि चए प्युँ ङाँर्न पावाइ।

चेला चिब्मैंए केमैं 9:5

चइ बिइ, “प्रभु, क्‍हि खाब् जा?” छबिमा खीजी बिइ, “ङ क्हिइ ह्रुगुदिरिबै येशू ग।

रोमी 11:22

परमेश्‍वरजी खैले ल्हयो खमुँ, छलेन सैं सारो या लम् बिसि सैंर मैंन्। खीउँइँले फ्रेयाब्‍मैंने परमेश्‍वरजी सैं सारो लमुँ, दिलेया क्‍हेमैं परमेश्‍वरए ल्हयो न्होंरि टिरिस्‍याँ क्‍हेमैंइ परमेश्‍वरए ल्हयो योंम्। आस्‍याँ थोवाबै हाँगमैंलाइ धोंले क्हेमैंलाज्यै या थोवाब्‍मुँ।

१ कोरिन्थी 12:12

ज्यु घ्रि मुँ, दिलेया चर ल्हें भागमैं तम्, ज्युर ल्हें भाग मुँलेया ज्यु घ्रिन् तम्, च धोंले येशू ख्रीष्‍ट या छाबन् ग।

१ कोरिन्थी 4:7

खाबइ क्हिलाइ अरूमैं भन्दा थेब् लमिंइ? क्‍हिने मुँबै सैमैं ताँन् परमेश्‍वरजी पिंब आङिं वा? क्‍हिइ योंबै तोन्दोंरि सैमैं परमेश्‍वरजी पिंबै बरदान आङिं वा? छतसि क्हेमैं तले थेब् प्हैंमुँ?

एफिसी 5:30

तलेबिस्याँ ङ्यो येशू ख्रीष्‍टए ज्युर्बै भागमैं ग।)