चेला चिब्मैंए केमैं 9:36 - परमेश्‍वरए ताँ तमु क्युइर

³⁶ योप्‍पा बिबै नाँसर तबिता बिब येशूए फिर बिश्‍वास लबै च्हमिरि घ्रि मुँल। ग्रिक क्युइर चने डोरकास बिमल। चइ छ्याँबै केमैं लब् नेरो ङ्हाँदुमैंए खाँचोमैं टार्दिमिंब्रें लमल।

चेला चिब्मैंए केमैं 9:36 ပူးပေါင်းရင်းမြစ်များ

हितोपदेश 5:19

च म्हाँया खबै फो नेरो तोंइ धोंले चनेन् सैं तोंसि टिद्। क्हि खोंयोंइ बिले चलाइ म्हाँया लरिद्।

योना 1:3

दिलेया योना याहवेहजी बिब् आङिंसि तर्शीश बिबै सहरउँइँ ह्‍याइ। छले ह्‍यामा योप्पा सहरर फेखइ, चर चइ तर्शीशउँइँ ह्‍याँबै क्यु झाज घ्रि स्याइ। याहवेहउँइँले भौदिबर झाजए भारा फोसि च तर्शीशउँइँ ह्‍याबै झाजर क्रेइ।

मत्ती 25:17

छलेन सिक्‍का ङ्हिं योंबै म्‍हिज्‍यै या अर्को सिक्‍का ङ्हिं कमदिइ।

यूहन्‍ना 15:5

“अँगुरए धुँ ङन् ग, क्‍हेमैं हाँगमैं ग। खाबै ङने टिइ बिस्याँ, धै ङ चने तइ बिस्याँ, चइ ल्हें रोमैं रोब्मुँ। तलेबिस्याँ ङ ङाँइँले स्यो तसि क्हेमैंइ तोइ लल् आखाँ।

यूहन्‍ना 15:8

क्‍हेमैंइ ल्हें रोमैं रोसि ङए चेलामैं ग बिसि उँइँमिंइ बिस्याँ ङए आबाए मिं थेब तब्मुँ।

चेला चिब्मैंए केमैं 10:23

झाइले पत्रुसइ चमैं धिं न्होंर हुइसि चमैंए मान लइ। प्‍हँन्हाँग्धों पत्रुस रेसि चमैंने बालु ह्‍याइ, धै योप्पार्बै बिश्‍वासीमैं या चने बालुन् ह्‍याइ।

चेला चिब्मैंए केमैं 10:31

बिइ, ‘कर्नेलियस! परमेश्‍वरजी क्हिए प्राथना थेइमुँ, धै क्हिइ ङ्हाँदुमैंलाइ तो चैदिमु च पिंबै छ्याँबै केमैं या मैंइमुँ।

चेला चिब्मैंए केमैं 10:8

झाइले खिइ म्रोंबै ताँन् ताँ चमैंने बिसि चमैंलाइ योप्पार कुल्‍मिंइ।

चेला चिब्मैंए केमैं 11:13

धै कर्नेलियसइ ङिने बिइ, ‘स्वर्गदूत घ्रि ङए धिंर रायुसि, योप्पार म्हिमैं कुलसि पत्रुस बिबै म्हि हुइ पउ।

चेला चिब्मैंए केमैं 11:5

“ङ योप्पा सहरर प्राथना लरिमा प्रभुने बेल्‍ले चेंदो तमा ङइ दर्शन म्रोंइ। च दर्शनर तन्‍ना धों तबै च्हो प्लिर क्हासि स्वर्गउँइँले क्युरु ङ ङाँर युरिल।

चेला चिब्मैंए केमैं 9:38

लुड्डा नाँस योप्पाउँइँले चेंदोन् मुँ, धै योप्पार मुँबै चेलामैंइ पत्रुस लुड्डार मुँ बिब् थेसि, “गाह्र आम्हाँदिन्ले युनन् ङि ङाँर खमिंन् ओ,” बिसि चए ङाँर म्हि ङ्हिं कुलइ।

चेला चिब्मैंए केमैं 9:42

चु ताँ योप्‍पा तिगोंन् थेनेइ, धै ल्हें म्हिइ प्रभुए फिर बिश्‍वास लइ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

फिलिप्पी 1:11

झाइले परमेश्‍वरलाइ मान लसि खीए मिं थेब लबै ल्हागिर येशू ख्रीष्‍टउँइँले योंबै छ्याँबै बानि क्हेमैंने तरिगे।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

१ थेसलोनिकी 4:10

धै क्हेमैंइ माकेडोनिया ह्‍युलर्बै ताँन् प्रभुए फिर बिश्‍वास लबै अलि-अङाँमैंने क्ह्रोंसेंन म्हाँया लइमुँ। ओ अलि-अङाँमैं, छलेन अझै म्हाँया लरिद् बिसि ङि क्हेमैंलाइ अर्थि पिंमुँ।

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

हिब्रू 13:21

क्‍हेमैं ताँनलाइ छ्याँबै गुनइ प्लिंमिंरिगे, धै खीए सैंर मैंब् धों तब क्हेमैंइ लल् खाँरिगे। परमेश्‍वरजी खोबै के येशू ख्रीष्‍टउँइँले खीजी क्हेमैंए म्हाँजोर लरिगे। येशूए मिं खोंयोंन् बिलै थेब तरिगे। आमेन, छान् तरिगे।

याकूब 1:27

बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।