चेला चिब्मैंए केमैं 9:34 - परमेश्‍वरए ताँ तमु क्युइर

³⁴ पत्रुसइ चने बिइ, “ओ एनियास! येशू ख्रीष्‍टजी क्‍हि सल् लमिंम्। रेसि क्हिए क्‍ल्ह्‍यो त्युइद्।” छ बिबै तोंदोंन् च रेयाइ।

चेला चिब्मैंए केमैं 9:34 ပူးပေါင်းရင်းမြစ်များ

मत्ती 8:3

छबिमा येशूजी यो स्‍योंसि च म्हिलाइ छुइदै बिइ, “ङइ क्हि सरिगे ङ्हाँइमुँ। सयाद्।” छ बिबै तोदोंन् च म्हिए कोर सयाइ।

मत्ती 9:6

दिलेया चु पृथ्‍बीरि पाप क्षमा पिंबै हग ङ परमेश्‍वरउँइँले कुल्‍मिंबै म्हिए च्हने मुँ बिसि क्हेमैंइ सेद्।” च्हौ बिसि खीजी च स्याले म्हिने “रेद्, क्हिए क्‍ल्‍ह्‍यो नोसि धिंर ह्‍याद्,” बिइ।

यूहन्‍ना 2:11

धाँसे ओंसों येशूजी औदिबै चिनु गालील ह्‍युलर्बै काना नाँसर लइ। छले खीजी औदिबै के उँइँमिंइ, छाब् म्रोंसि चेलामैंइ खीए फिर बिश्‍वास लइ।

चेला चिब्मैंए केमैं 16:18

चइ ल्हें त्हिंइ समा छान् बिरिइ। छतमा पावल छोंरों ङ्हाँसि फनक्‍क तोसि च मोंने बिइ, “येशू ख्रीष्‍टए मिंर क्हि च च्हमिरि ङाँइले त्होंसि ह्‍याद्।” छ बिबै तोंदोंन् च मों त्होंह्‍याइ।

चेला चिब्मैंए केमैं 3:12

चु म्रोंसि पत्रुसइ म्हिमैंने बिइ, “ओ इस्राएलीमैं, चु ताँर क्हेमैं तले अचम्‍मा ङ्हाँल? ङिइ ह्रोंसए शक्‍ति अथवा भक्‍तिउँइँले चु म्हिलाइ प्रल् खाँब् लमिंइ बिसि क्हेमैं तले ङिलाइ ङ्ह्‍योबै ङ्‍ह्‍योबन् लरिल?

चेला चिब्मैंए केमैं 3:16

क्हेमैंइ ङो सेबै चु सबै म्हिइ येशूए मिंए फिर बिश्‍वास लबइले खीजी चुलाइ भोंब् लमिंइ। धै क्हेमैं ताँनए उँइँरि छेनाले सल् लमिंइ।

चेला चिब्मैंए केमैं 3:6

झाइले पत्रुसइ चने बिइ, “ङने मारा चाँदि आरे, दिलेया ङने तो मुँ चन् ङइ क्हिलाइ पिंस्यो। नासरतर्बै येशू ख्रीष्‍टए मिंर रेसि प्रह्‍याद्।”

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 9:33

पत्रुसइ चर एनियास मिं मुँबै म्हि घ्रि त्‍होइ। च म्हि प्रेदिं ओंनोंन् यो प्हलेमैं ओलेल् आखाँबै स्याले तसि क्ल्ह्‍योर्न रोरिल।

चेला चिब्मैंए केमैं 9:35

च छले सब् म्रोंसि लुड्डा नाँस नेरो शारोन बिबै ह्‍युलर टिबै ताँन् म्‍हिमैं प्रभुउँइँ सैं एइ।