चेला चिब्मैंए केमैं 9:28 - परमेश्‍वरए ताँ तमु क्युइर

²⁸ झाइले शाऊल यरूशलेमर चमैंने बा-बालु खुल्‍ल तसि प्रबर होंइ, धै आङ्हिंन्ले प्रभुए मिंउँइँले खबै सैं तोंबै ताँ म्हिमैंने बिप्रबर होंइ।

चेला चिब्मैंए केमैं 9:28 ပူးပေါင်းရင်းမြစ်များ

भजनमैं 121:8

क्हि बैरु ह्‍यामा न्होंर खमा खनि ह्‍यालै या याहवेहजी क्हिए रक्षा लमिंब्मुँ, तोगोउँइँले खोंयोंन् बिलै।

यूहन्‍ना 10:9

म्रा ङन् ग। ङउँइँले न्‍होंर होंब्मैं ताँन् जोगेल् योंब्‍मुँ। धै चमैं खोरए न्हों, बैरु ह्‍याब खब लल् योंब्मुँ, धै छि मुँबै क्ल्ह्‍योर रेंल् योंब्‍मुँ।

चेला चिब्मैंए केमैं 1:21

छतसि प्रभु येशू ङ्योए म्हाँजोर मुँमा खोंयोंन् बिलै ङ्योने बालु मुँबै म्हि घ्रि त्हाँल् त्हुम्।

चेला चिब्मैंए केमैं 4:13

झाइले पत्रुस नेरो यूहन्‍ना आखेबै म्हिमैं मुँलेना आङ्हिंन्ले पोंल् खाँब् म्रोंसि चमैं प्लेटोयाइ। धै चुमैं येशूने बालुन् टिब्मैं मुँन बिसि चमैंइ था सेइ।

चेला चिब्मैंए केमैं 4:29

ओ प्रभु तारे, चमैंइ ङिलाइ हौदिमा क्हिजी ङ्ह्‍योमिंन्, धै क्हिए केब्छैंमैंइ आङ्हिंन्ले क्हिए ताँ पोंबै भों पिंन्।

चेला चिब्मैंए केमैं 9:29

झाइले चइ ग्रिक क्युइ पोंबै यहूदीमैंने या छलफल लमल, दिलेया चमैंइ चलाइ सैल् म्हैमल।

गलाती 1:18

सोंदि लिउँइँ ङ पत्रुसने त्होबर यरूशलेम सहरउँइँ ह्‍याइ। धै चने बालु च्युसे ङ्‍हगें समा टिइ।