चेला चिब्मैंए केमैं 9:2 - परमेश्‍वरए ताँ तमु क्युइर

² झाइले चइ चने “येशूए लिलि प्रबै मुँयुँमैं-च्हमिरिमैं खाब् स्यालेन ङइ चमैंलाइ क्‍हासि यरूशलेमर बोल् पिंन् बिबै प्ह्रिछ्यामैं दमस्‍कस सहरर्बै म्हि च्हों धिंमैंए म्हिमैंए मिंरि प्ह्रिमिंन् ओ,” बिइ।

चेला चिब्मैंए केमैं 9:2 ပူးပေါင်းရင်းမြစ်များ

उत्पत्ति 14:15

अब्रामइ ह्रोंसए म्हिमैं टोलि-टोलि लसि फेलइ धै म्हुँइँसर शत्तुरमैंए फिर ह्‍वानेमा चमैंलाइ ट्होवाइ। धै दमस्कसए उत्तरउँइँबै होबा समा चमैं ल्हाबोइ।

मत्ती 10:17

म्‍हिमैंउँइँले न्हक्रों मि क्रोंले टिद् तलेबिस्याँ चमैंइ क्‍हेमैं क्‍हासि अड्डर उजुर लब्‍मुँ, धै च्हों धिंजगोर बोसि कोर्राइ प्रुब्‍मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

चेला चिब्मैंए केमैं 18:25

चइ मुक्‍ति पिंबै प्रभु येशूए बारेरर्बै ताँमैं सेल। चइ खों न्होंउँइँले भों खदै येशूए बारेर्बै ताँमैं छेनाले लोमिंब्रें लमल। छान् तलेया चइ यूहन्‍नाइ पिंबै बप्‍तिस्मा मत्‍त्रे था सेल।

चेला चिब्मैंए केमैं 19:23

च त्हेजरे एफिसस सहरर मुक्‍ति योंबै घ्‍याँए बारेर ल्हें म्हिइ खैला-बैला मचेरिल।

चेला चिब्मैंए केमैं 19:9

दिलेया को-कोइ सैं सारो लसि क्वेंल् आङिं। धै झन् मुक्‍ति योंबै घ्याँए बिरोध लसि ताँनए उँइँर चमैं पोंबर होंइ। छतमा पावल चमैंउँइँले फ्रेसि चेलामैं बोसि टुरान्‍नस बिबै स्कूलर म्हिमैंने छलफल लसि परमेश्‍वरए ताँ त्हिंइ ह्रोंसे लोमिंमल।

चेला चिब्मैंए केमैं 24:14

ङ क्हिए उँइँर चु ताँ बिमुँ: चु मुक्‍ति पिंबै घ्याँने चुमैंइ स्योर्गु घ्याँ बिम्, दिलेया ङ च घ्याँर प्रसि ङए खेमैंए परमेश्‍वरए मिं क्वेम्। धै मोशाइ पिंबै ठिमर मुँबै ताँ नेरो स्योंम्बै अगमबक्‍तामैंइ प्ह्रिबै कितबमैंर बिबै ताँन् ताँ ङइ क्वेंम्।

चेला चिब्मैंए केमैं 24:22

दिलेया फेलिक्सइ मुक्‍ति योंबै घ्याँए बारेर छेनाले था सेल। छतसि चु ताँमैं थेबै लिउँइँ बिइ, “पल्टनर्बै चिब लुसियस चुर युबै लिउँइँ ङइ क्हेमैंए मुद्दा फैसला लमिंस्यो।”

चेला चिब्मैंए केमैं 26:10

ङइ यरूशलेमर छान् लइ। ख्रो पिंबै खेगि चिब्मैंउँइँले हग योंसि प्रभुए म्हिमैं झेलर झोंब् मत्‍त्रे आङिं, चमैं सैवामा ङै या चमैंने त्हुँल।

चेला चिब्मैंए केमैं 26:12

“प्रभु येशूए फिर बिश्‍वास लबै म्हिमैं ह्रुगुदिबर ख्रो पिंबै खेगि चिब्मैंउँइँले हग योंसि ङ दमस्कस शहारउँइँ ह्‍याइ।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

चेला चिब्मैंए केमैं 7:19

चइ ङ्योए ह्रेंमैंए फिर बेल्‍ले आछ्याँबै केमै लइ चमैंइ भर्खर फिबै ताँन् कोलोमैं सियारिगे बिसि ङ्योए खेमैंने चमैंए ओंलाँ कोलोमैं बैरु थेंबर ल्हैदिमल।

चेला चिब्मैंए केमैं 9:14

चुरै या क्हिए मिं किंब्मैं ताँन् क्हासि झेलर च्युवाबै हग ख्रो पिंबै खेगि चिब्मैंउँइँले चइ योंइँमुँ।”

चेला चिब्मैंए केमैं 9:21

चए ताँ थेब्मैं ताँनइ प्लेटोयासि बिइ, “यरूशलेमरि येशूए मिं किंब्मैंलाइ दुःख पिंसि सैल् म्हैबै म्हि चुन् आङिं वा? छलेन चु दमस्‍कसरै या चमैंलाइ फैसि ख्रो पिंबै खेगि चिब्मैं ङाँर बोयाबै सैं लसि च खब आङिं वा?”

२ कोरिन्थी 11:32

ङ दमस्‍कस सहरर मुँमा अरितस म्रुँए न्होंर्बै क्रथेइ ङलाइ क्‍हाबै ल्हागिर सहरए मुल म्रार पालेमैं थेंल।

गलाती 1:17

ङ भन्दा ओंसोंन् कुल्मिंबै चेला चिब तब्‍मैं ङाँर सल्‍ला किंबर यरूशलेमर आह्‍याल। बरु ङ युनन् अरब बिबै ह्‍युलर ह्‍याइ, च लिउँइँ दमस्‍कस सहरर एखइ।