चेला चिब्मैंए केमैं 9:18 - परमेश्‍वरए ताँ तमु क्युइर

¹⁸ हननियाइ छ बिबै तोंदोंन् शाऊलए मिर्बै ताँगए कत्‍ला धों तबै सै खारयासि चइ धबै मि म्रोंइ। धै च रेसि बप्‍तिस्मा किंइ।

चेला चिब्मैंए केमैं 9:18 ပူးပေါင်းရင်းမြစ်များ

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 2:41

झाइले पत्रुसए ताँ क्वेंबै म्हिमैंइ बप्‍तिस्मा किंइ। च त्हिंइर्न योदा आयोदा हजार सोंदे म्हिमैं चमैंए फिर थब्दिइ।

चेला चिब्मैंए केमैं 22:13

च हननिया ङ ङाँर खसि ङए उँइँर रासि ङने बिइ, ‘शाऊल अलि, क्हिए मि म्रोंल् खाँरिगे।’ छ बिबै तोंदोंन् ङए मि म्रोंल् खाँब् तसि ङइ चलाइ म्रोंइ।

चेला चिब्मैंए केमैं 22:16

छतसि तारे तले क्हैल् लरिमुँ? रेद्! येशूए मिं किंसि ह्रोंसए आछ्याँबै केमैं ख्रुवाबर क्युर प्ल्हुँसि बप्‍तिस्मा किंन्।’

चेला चिब्मैंए केमैं 9:17

छबिमा हननिया ह्‍यासि शाऊल टिबै धिं न्होंर होंइ। धै चए फिर यो थेंसि बिइ, “ओ अलि शाऊल, क्हि खरिबै घ्याँर क्हि ङाँर म्रोंयुबै येशूजीन् क्हिए मि म्रोंरिगे धै पबित्र प्ल्हजी प्लिंरिगे बिसि ङ कुल्मिंब् ग।”

चेला चिब्मैंए केमैं 9:19

झाइले चब् चसि चइ भों योंइ। धै शऊल दे त्हिंइ समा दमस्‍कसर मुँबै चेलामैंने टिइ।

चेला चिब्मैंए केमैं 9:8

शाऊल रेसि मि ङ्‍ह्‍योमा चइ तोइ म्रोंल आखाँल। छतमा चने ह्‍याबै थुमैंइ च डोरेसि दमस्कसर पखइ।

२ कोरिन्थी 3:14

मोशाए मोंड क्वेंइ हुब् धोंले इस्राएलथेंमैंए सैं या हुथेंब् धोंन् तइमुँ। छतसि तिंयाँ समै या ठिम खेमा चमैंइ परमेश्‍वरए ताँ क्‍होल् आखाँ। ख्रीष्‍ट येशूजी मत्‍त्रे च हुथेंबै क्‍वें स्‍योवासि परमेश्‍वरए ताँ क्होमिंल् खाँम्।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।