चेला चिब्मैंए केमैं 8:7 - परमेश्‍वरए ताँ तमु क्युइर

⁷ तलेबिस्याँ ल्हें म्हिउँइँले मोंमैं थेबै कैले ओरसि त्होंमल। छलेन यो प्हले ओलेल् आखाँबै ल्हें स्याले म्हिमैं या सल् लमिंइ।

चेला चिब्मैंए केमैं 8:7 ပူးပေါင်းရင်းမြစ်များ

मत्ती 10:1

खीजी ह्रोंसए च्युसे ङ्हिं चेलामैं हुइसि मोंमैं ल्‍हाब नेरो ताँन् खालर्बै नब् छब्मैं सल् लमिंबै हग पिंइ।

मत्ती 11:5

कनमैंइ मि म्रोंइमुँ, डुँड्मैं प्रइमुँ, कोर खब्‍मैं सइमुँ, न्ह आथेब्मैंइ न्‍ह थेइमुँ, सियाब्‍मैं सोइमुँ धै ङ्हाँदुमैंने परमेश्‍वरउँइँले खबै सैं तोंबै ताँ बिमिंइमुँ।

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मर्कूस 9:26

छबिमा मोंइ च कोलो स्यालाम्हाला लवासि थेबै कैले च कोलोउँइँले त्‍होंह्‍याइ। छलमा च कोलो सियाब् धोंन् तयाइ। छ तब् म्रोंमा ल्‍हें म्‍हिमैंइ “कोलोम् सियाइ बिबर,” होंइ।

लूका 10:17

च लिउँइँ ङिच्यु चेलामैं बेल्‍ले सैं तोंदै येशू ङाँर एखसि बिइ, “ओ प्रभु, ङिइ क्‍हिए मिं किंसि मोंमैं ल्‍हामा चमैंइ ङिइ बिबै ताँ ङिंइ।”

यूहन्‍ना 14:12

“क्ह्रोंसेंन ङ क्हेमैंने बिमुँ, ङलाइ बिश्‍वास लब्मैंइ ङइ लबै केमैं लब्मुँ। च भन्दा थेबै केमैं या लब्मुँ। तलेबिस्याँ ङ आबा ङाँर ह्‍यासिन् मुँ।

चेला चिब्मैंए केमैं 5:16

यरूशलेमजरेबै ह्‍युलउँइँले या ल्हें म्हिइ नब्मैं, नेरो दुष्‍टइ ह्रुगुदिब्मैं पइ खमल, धै चमैं ताँन् सयामल।

चेला चिब्मैंए केमैं 8:6

फिलिपइ बिबै ताँमैं थेसि, धै चइ लबै औदिबै चिनुमैं म्रोंसि, चर्बै ल्हें म्हिइ सैं घ्रिन् तसि चए ताँ छेनाले थेइ।

हिब्रू 2:4

छलेन परमेश्‍वरज्‍यै या थे-थेबै चिनुमैंउँइँले प्लेटोयान् तबै औदिबै केमैं लइ, धै खीए सैंर मैंब् धोंले खीजी म्‍हिमैंलाइ पबित्र प्ल्हउँइँले बरदानमैं पिंसि चु ताँए ग्वाइ पिंइ।