चेला चिब्मैंए केमैं 8:5 - परमेश्‍वरए ताँ तमु क्युइर

⁵ फिलिप बिस्याँ सामरिया ह्‍युलर्बै सहर घ्रिर ह्‍यासि चर्बै म्हिमैंने परमेश्‍वरजी कुल्मिंबै म्रुँ ख्रीष्‍टए बारेर बिमिंइ।

चेला चिब्मैंए केमैं 8:5 ပူးပေါင်းရင်းမြစ်များ

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

चेला चिब्मैंए केमैं 21:8

प्हँन्हाँग्धों ङि चमैंने फ्रेसि कैसरियार खइ, धै सैं तोंबै ताँ बिदै प्रबै फिलिपए धिंर ह्‍यासि चर्न टिइ। फिलिप यरूशलेमर प्रभुए सेवा लबर त्हाँबै ङिउलो न्‍होंर्बै म्‍हि घ्रि मुँल।

चेला चिब्मैंए केमैं 5:42

दिलेया चमैंइ त्हिंइ ह्रोंसे मन्दिर नेरो धिं-धिंर ह्‍यासि “येशून् परमेश्‍वरजी कुल्मिंबै म्रुँ ख्रीष्‍ट ग” बिसि बिप्रब आपि।

चेला चिब्मैंए केमैं 6:5

चु ताँ थेसि चर खागु तब्मैं ताँनइ छ्याँब ङ्हाँइ झाइले चमैंइ पबित्र प्ल्हजी प्लिंब नेरो ताँनइ म्हाँदिबै, स्तिफनस, फिलिप, प्रखरस, निकनोर, तिमोन, पर्मिनास नेरो एन्‍टिओखियार्बै येहूदिमैंने क्ह्रिबै निकोलाउस त्हाँइ।

चेला चिब्मैंए केमैं 8:1

शाऊल या स्तिफनस सैबै म्हिमैंने क्ह्रिल। च त्हिंइ सेरोन् यरूशलेमर मुँबै चर्चए फिर थेबै दुःख तबर होंइ। छान् तलेया कुल्मिंबै चेला चिब्मैं चर्न टिइ। अरू चेलामैं बिस्याँ येहूदिया नेरो सामरिया ह्‍युलउँइँ प्हुँयाँइ।

चेला चिब्मैंए केमैं 8:26

च लिउँइँ प्रभुए स्वर्गदूत घ्रिइ फिलिपलाइ बिइ, “रेसि ल्हुँउँइँ (दक्षिण) ह्‍यासि म्हि आटिबै क्ल्ह्‍योर्बै घ्याँर ह्‍याद्। च घ्याँ यरूशलेमउँइँले गाजा ह्‍युलउँइँ ह्‍याम्।”

चेला चिब्मैंए केमैं 8:30

फिलिप च रथ ङाँइ न्हेह्‍यामा चइ यशैया अगमबक्‍ताइ प्ह्रिबै कितब खेरिब् थेसि चइ “क्हिइ खेरिबै ताँ क्होइमुँ वा?” बिसि चने ङ्योएइ।

चेला चिब्मैंए केमैं 8:40

दिलेया फिलिप अश्दोद बिबै क्ल्ह्‍योर म्रोंखइ, धै कैसरिया आफेन् समन् ताँन् नाँसजरे सैं तोंबै ताँ बिमिंदै प्रइ।

चेला चिब्मैंए केमैं 8:6

फिलिपइ बिबै ताँमैं थेसि, धै चइ लबै औदिबै चिनुमैं म्रोंसि, चर्बै ल्हें म्हिइ सैं घ्रिन् तसि चए ताँ छेनाले थेइ।

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

१ कोरिन्थी 1:23

दिलेया ङ्योइ बिस्याँ क्रूसर च्योवाबै येशू ख्रीष्‍टउँइँले खबै सैं तोंबै ताँ बिप्रम्। चु ताँ यहूदीमैंइ तिफुँइ आखो, छलेन अरू ह्रेंमैंए ल्हागिर चु ताँ बुद्धि आरेब्मैंइ पोंबै ताँ धों ङ्हाँम्।

१ कोरिन्थी 2:2

तलेबिस्याँ ङ क्‍हेमैंने मुँमा येशू ख्रीष्‍टलाइ क्रूसर च्योवाबै ताँ मत्‍त्रे लम् बिब ङए सैंर मुँल।

१ कोरिन्थी 3:11

परमेश्‍वरजी झोंबै तें येशू ख्रीष्‍ट ग। म्हिमैंइ येशू बाहेक अरू तें झोंल् आखाँ।