चेला चिब्मैंए केमैं 8:35 - परमेश्‍वरए ताँ तमु क्युइर

³⁵ छबिमा फिलिपइ परमेश्‍वरए छ्वेर्बै च खण्‍डउँइँलेन् येशूउँइँले खबै सैं तोंबै ताँ चने बिमिंइ।

चेला चिब्मैंए केमैं 8:35 ပူးပေါင်းရင်းမြစ်များ

मत्ती 5:2

झाइले खीजी चमैंने छ बिसि लोमिंबर होंइ:

लूका 24:27

च लिउँइँ मोशा नेरो अगमबक्‍तामैंइ खीए बारेर प्‍ह्रिथेंबै ताँमैंए अर्थ खीजी चमैंलाइ क्होमिंइ।

चेला चिब्मैंए केमैं 10:34

झाइले पत्रुस पोंबर होंइ, “क्ह्रोंसेंन परमेश्‍वरजी खाबलाज्यै आफेल बिसि ङइ तोगो क्होइमुँ।

चेला चिब्मैंए केमैं 11:20

दिलेया चमैंए न्होंरि को-कोइ साइप्रस नेरो कुरेनीर्बै म्हिमैं मुँल। चमैंइ एन्‍टिओखियार खसि अरू ह्रेंर्बै ग्रिकमैंने या प्रभु येशूउँइँले खबै सैं तोंबै ताँ बिमिंइ।

चेला चिब्मैंए केमैं 17:18

को-कोइ इपिक्‍युरि नेरो स्‍तोइकि ह्रब्-सेब्मैंज्यै या पावलने छलफल लइ। चमैं न्होंर्बै कति म्हिमैंइ “चु ल्हें पोंबै म्हिइ तो बिइमुँ जा?” बिसि ङ्योएमल। अरू म्हिमैंइ बिइ, “आगुए ह्‍युलर्बै देवतामैंए ताँ लरिब् धों ङ्हाँम्।” तलेबिस्याँ पावलइ येशूए बारेर नेरो म्हिमैं सिसि धबै सोगों तबै ताँमैं बिरिमल।

चेला चिब्मैंए केमैं 18:28

तलेबिस्याँ चइ ताँन् म्हिमैंए उँइँर परमेश्‍वरए छ्वेर्बै ताँमैंउँइँले, “येशून् परमेश्‍वरजी कुल्मिंबै म्रुँ ख्रीष्‍ट ग,” बिसि यहूदीमैंए ताँ थोमा चमैंइ तोइ ज्वाफ पिंल् आखाँब् लइ।

चेला चिब्मैंए केमैं 19:13

छाब् म्रोंसि को-कोइ स्युरदै प्रबै यहूदी फा फुइ लब्मैंइ मोंइ स्याब्मैंने प्रभु येशूए मिं तेदै बिइ, “पावलइ बिप्रबै येशूए मिंउँइँले त्होंह्‍याद् बिसि ङ क्हिने बिम्।”

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

चेला चिब्मैंए केमैं 3:20

क्हेमैंइ पाप लब पिसि परमेश्‍वर ङाँइ सैं एद्।

चेला चिब्मैंए केमैं 5:42

दिलेया चमैंइ त्हिंइ ह्रोंसे मन्दिर नेरो धिं-धिंर ह्‍यासि “येशून् परमेश्‍वरजी कुल्मिंबै म्रुँ ख्रीष्‍ट ग” बिसि बिप्रब आपि।

चेला चिब्मैंए केमैं 8:34

झाइले च हिचडइ फिलिपने बिइ, “अगमबक्‍ताइ चु ताँ खाबै बारेर बिब् जा? ह्रोंसए बारेर बिब् उ अरूए बारेर बिब् जा? गार आम्हाँदिल्‍ले ङने बिमिंन्।”

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

१ कोरिन्थी 1:23

दिलेया ङ्योइ बिस्याँ क्रूसर च्योवाबै येशू ख्रीष्‍टउँइँले खबै सैं तोंबै ताँ बिप्रम्। चु ताँ यहूदीमैंइ तिफुँइ आखो, छलेन अरू ह्रेंमैंए ल्हागिर चु ताँ बुद्धि आरेब्मैंइ पोंबै ताँ धों ङ्हाँम्।

१ कोरिन्थी 2:2

तलेबिस्याँ ङ क्‍हेमैंने मुँमा येशू ख्रीष्‍टलाइ क्रूसर च्योवाबै ताँ मत्‍त्रे लम् बिब ङए सैंर मुँल।

२ कोरिन्थी 6:11

ओ कोरिन्‍थथेंमैं, ङिइ सैंर तोइ ताँ आलोल्‍ले छेनाले क्हेमैने बिमिंइमुँ।

एफिसी 4:21

क्हेमैंइ येशू ख्रीष्‍टउँइँले खबै ताँ थेइ, आङिं वा? खीउँइँले परमेश्‍वरए बारेर्बै क्‍ह्रोंसेंन्‍बै ताँ क्हेमैंइ सेइमुँ।