चेला चिब्मैंए केमैं 8:28 - परमेश्‍वरए ताँ तमु क्युइर

²⁸ च रथर क्हुँसि यशैया अगमबक्‍ताइ प्ह्रिबै कितब खेरिल।

चेला चिब्मैंए केमैं 8:28 ပူးပေါင်းရင်းမြစ်များ

भजनमैं 119:111

क्हिजी बिबै ताँमैं ङए ल्हागिर मारा मुइ भन्दा थेब मुँ, च ताँमैंइ खोंयोंइ बिलै ङ‍ए सैं तोंन् लम्।

भजनमैं 119:99

ङलाइ लोमिंब्मैंइ भन्दा ङइ ल्हें क्होइमुँ, तलेबिस्याँ क्हिजी बिबै ताँमैं ङए सैंर मैंरिमुँ।

लूका 3:4

स्योंम्बै यशैया अगमबक्‍ताइ यूहन्‍नाए बारेर ओंसोंन् छले प्‍ह्रिइमुँ, “क्यु आयोंबै क्ल्ह्‍योर म्‍हि घ्रिइ कै तेसि छ बिसिन् मुँ, ‘याहवेहए ल्हागिर घ्‍याँ छ्याद्! खी प्रबै ल्हागिर आछ्याँबै घ्‍याँमैं क्योंएँन्!

लूका 4:17

चर्बै म्हिमैंइ खीने यशैया अगमबक्‍ताइ प्‍ह्रिबै छ्वे पिंइ। खीजी च फैसि चु ताँ प्ह्रिबै खण्ड चमैंए ल्हागिर खेमिंइ:

चेला चिब्मैंए केमैं 28:25

छतसि चमैं खें-खेंमैंन् ताँ आक्‍ह्रिसि ह्‍याबि छेमा पावलइ चमैंने बिइ, “परमेश्‍वरए प्ल्हजी क्हेमैंए खेमैंने यशैया अगमबक्‍ताउँइँले बिमिंबै चु ताँ ठिकन् मुँल,

चेला चिब्मैंए केमैं 8:27

छबिमा फिलिप रेसि ह्‍यामा इथियोपियार्बै हिचड घ्रिने त्होइ। च यरूशलेमर परमेश्‍वर म्हाँदिसि धिंउँइँ एखरिल। च इथियोपिया ह्‍युलर्बै म्रुँस्यो कन्दाकिए थेबै पदर के लब नेरो ताँन् सै न्होरए कोषाध्यक्ष मुँल।

चेला चिब्मैंए केमैं 8:29

पबित्र प्ल्हइ फिलिपने “च रथए ङाँर ह्‍याद्,” बिइ।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।