चेला चिब्मैंए केमैं 8:27 - परमेश्‍वरए ताँ तमु क्युइर

²⁷ छबिमा फिलिप रेसि ह्‍यामा इथियोपियार्बै हिचड घ्रिने त्होइ। च यरूशलेमर परमेश्‍वर म्हाँदिसि धिंउँइँ एखरिल। च इथियोपिया ह्‍युलर्बै म्रुँस्यो कन्दाकिए थेबै पदर के लब नेरो ताँन् सै न्होरए कोषाध्यक्ष मुँल।

चेला चिब्मैंए केमैं 8:27 ပူးပေါင်းရင်းမြစ်များ

भजनमैं 68:29

यरूशलेमर क्हिए मन्दिरर ह्रेंगोउँइँले खबै म्रुँमैंइ क्हिए ङाँर बालि फोखब्मुँ।

भजनमैं 68:31

मिश्र ह्‍युलउँइँले थेबै म्हिमैं खब्मुँ, कूश ह्‍युलर्बै म्हिमैं ह्रोंसए योमैं क्वेसि परमेश्‍वरने प्राथना लब्मुँ।

भजनमैं 87:4

ङलाइ ङोसेबै ह्रेंमैं न्होंर ङ मिश्र नेरो बेबिलोनए बारेर बिमिंब्मुँ; धै पलिश्त, टुरोस नेरो कूश ह्‍युलर्बै म्हिमैंए बारेरै या “चु यरूशलेमर्न फिल!” बिसि ङ चमैं ङए म्हिमैं ठर्दिब्मुँ।

मत्ती 12:42

निसाफ लबै त्हिंइर ल्हुँर्बै (दक्षिणर्बै) म्रुँस्‍योइ क्‍हेमैंने छ्याब् ल्‍हैदिब्‍मुँ। तलेबिस्याँ च म्रुँस्‍यो सोलोमन म्रुँए बुद्धिए ताँ थेबर ह्रेंगोर्बै ह्‍युलउँइँले खइ। दिलेया सोलोमन म्रुँ भन्दा थेबै म्‍हि चुर मुँ!

यूहन्‍ना 12:20

चाड म्हाँदिबर ह्‍याब्मैं न्होंरि को-कोइ ग्रिक ह्‍युलर्बै म्हिमैं या मुँल।

चेला चिब्मैंए केमैं 8:28

च रथर क्हुँसि यशैया अगमबक्‍ताइ प्ह्रिबै कितब खेरिल।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।