चेला चिब्मैंए केमैं 8:24 - परमेश्‍वरए ताँ तमु क्युइर

²⁴ चु ताँ थेसि सिमोनइ बिइ, “क्हेमैंइ बिबै तोइ ताँ या ङए फिर आतरिगे बिसि, ङए ल्हागिर प्रभुने प्राथना लमिंन्।”

चेला चिब्मैंए केमैं 8:24 ပူးပေါင်းရင်းမြစ်များ

उत्पत्ति 20:17

छतसि अब्राहामइ परमेश्‍वरने प्राथना लइ, धै परमेश्‍वरजी अबीमेलेक नेरो चए प्ह्रेंस्यो धै चए केब्स्योमैंइ धबै प्हसे योंल् खाँरिगे बिसि चमैं सल् लमिंइ।

उत्पत्ति 20:7

तारे अब्राहामए प्ह्रेंस्यो एवाद्, तलेबिस्याँ च अगमबक्‍ता ग। चइ क्हिए ल्हागिर प्राथना लमिंब्मुँ, धै क्हि सोब्मुँ। दिलेया क्हिइ च च्हमिरि आएमिंस्याँ क्हि नेरो क्हिए ताँन् म्हिमैं खैलेबिलेया सियाब्मुँ बिसि सैंर मैंन्।”

प्रस्थान 10:17

“छतसि तारे ङ यो छ्युँ लमुँ, ङए पाप तोगोइन क्षमा लद्, धै ङए फिर तखबै चु दुःख खीजी स्योमिंरिगे बिसि क्हेमैंए याहवेह परमेश्‍वरने यो छ्युँ लसि प्राथना लद्।”

प्रस्थान 12:32

क्हेमैंइ बिब् धोंलेन् ह्रों-ह्रोंसए र-क्यु नेरो खेदोमैं किंसि ह्‍याद्। ङलाज्यै आशिक पिंन्।”

प्रस्थान 8:8

छतमा फारोइ मोशा नेरो हारूनलाइ हुइबर कुलसि बिइ, “याहवेहजी ङ नेरो ङए म्हिमैंउँइँले प्हद्गोमैं स्योमिंरिगे बिसि खीने बिन्ति लमिंन्। छलस्याँ खीए ल्हागिर ख्रो पिंबर क्हिए म्हिमैं ङइ ह्‍याल् पिंब्मुँ।”

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।