चेला चिब्मैंए केमैं 8:21 - परमेश्‍वरए ताँ तमु क्युइर

²¹ परमेश्‍वरए उँइँरि क्हिए सैं छ्याँब आरेना। छतसि चु के क्हिइ कति लल् आयों!

चेला चिब्मैंए केमैं 8:21 ပူးပေါင်းရင်းမြစ်များ

भजनमैं 36:1

दुष्‍ट म्हिइ लबै आछ्याँबै केमैंए बारेर ङए खोंर ताँ घ्रि मुँ, च ताँ तो जा बिस्याँ च परमेश्‍वर म्रोंसि आङ्हिं।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

यूहन्‍ना 21:17

येशूजी सोंखेबै लारै या चने “ओ यूहन्‍नाए च्ह सिमोन, क्हिइ ङलाइ म्हाँया लम्मा?” बिसि ङ्योएमा पत्रुसए सैं च्योंब तयाइ तलेबिस्याँ येशूजी सोंखेबै लारै या चने “क्हिइ ङलाइ म्हाँया लम्मा?” बिसि ङ्योएइ। छतसि चइ खीने बिइ, “प्रभु, क्हिजी तोन्दोंरि ताँ सेइमुँ। ङइ क्हिलाइ म्हाँया लम् बिसि क्हिजी सेइमुँ।” छबिमा येशूजी चने “ङए क्युमैं चल् पिंन्,” बिइ।

चेला चिब्मैंए केमैं 8:37

[फिलिपइ चने बिइ, “क्‍हिइ ह्रोंसए खों न्होंउँइँलेन् प्रभु येशूए फिर बिश्‍वास लम् बिस्याँ क्हिइ बप्‍तिस्मा किंल् खाँम्।” चइ बिइ, “येशू ख्रीष्‍टन् परमेश्‍वरए च्ह मुँन बिसि ङइ क्वेंम्,”]

एफिसी 5:5

ख्रीष्‍ट नेरो परमेश्‍वरए ग्याल्सर ब्यभिचारिमैं, लोबिमैं, आछ्याँबै के लब्मैं खैलसे होंल् आयों बिसि क्हेमैंइ छेनाले सेल् त्हुम्। [अथवा परमेश्‍वरलाइ आम्‍हाँदिसेरो चमैंइ खी ङाँइले आशिक आयों।] लोब लबै केमैं परमेश्‍वरए उँइँर कु पूजा लब् धोंन् ग।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।

दर्शन 20:6

च ओंसोंबै सिबउँइँले सोगों तल् योंब्‍मैं आशिक योंबै म्‍हिमैं ग, चमैं ङ्हिंखे सिल् आत्‍हु। चमैं परमेश्‍वर नेरो ख्रीष्‍टए ख्रो पिंबै खेगिमैं तसि टिल् योंम्। चमैंइ हजार घ्रि बर्ष समा ख्रीष्‍टने ग्याल्स लब्‍मुँ।

दर्शन 22:19

छलेन चु कितबर मुँबै ताँमैं थोबै म्हिउँइँले छ्ह पिंबै सिधुँउँइँले चइ योंल् त्हुबै रोए भाग परमेश्‍वरजी थोवाब्‍मुँ, धै खीए पबित्र सहरर टिबै हग या प्हेंवाब्‍मुँ। छले च छ्ह पिंबै सिंधुँ नेरो परमेश्‍वरए पबित्र सहरए बारेर्बै ताँ चु कितबर प्ह्रिइमुँ।