चेला चिब्मैंए केमैं 8:1 - परमेश्‍वरए ताँ तमु क्युइर

¹ शाऊल या स्तिफनस सैबै म्हिमैंने क्ह्रिल। च त्हिंइ सेरोन् यरूशलेमर मुँबै चर्चए फिर थेबै दुःख तबर होंइ। छान् तलेया कुल्मिंबै चेला चिब्मैं चर्न टिइ। अरू चेलामैं बिस्याँ येहूदिया नेरो सामरिया ह्‍युलउँइँ प्हुँयाँइ।

चेला चिब्मैंए केमैं 8:1 ပူးပေါင်းရင်းမြစ်များ

मत्ती 22:6

अरूमैंइ च न्हिम्‍तो पिंबर ह्‍या‍ब्मैंलाइन क्हासि खैच्हिजिले धोंसि सैवाइ।

मत्ती 23:34

छतसि ङइ क्‍हेमैं ङाँर अगमबक्‍तामैं, बुद्धि मुँबै म्‍हिमैं नेरो छ्वेर्बै ताँ लोमिंब्मैं कुल्‍मिंब्मुँ। चमैंए न्होंरि कोइ क्हेमैंइ सैवाब्‍मुँ, कोइ क्रूसर च्‍योवासि सैवाब्‍मुँ, कोइ क्हेमैंए च्हों धिंजरे बोसि कोर्राइ प्रुब्मुँ, धै सहर-सहरजरे ‍ह्रुगुदिब्मुँ।

मत्ती 5:13

“क्हेमैं ह्‍युलर्बै चज ग, दिलेया चजए स्वाद् म्‍हयाइ बिस्याँ च धबै तोइ स्वाद खल् लब? छाबै चज तो ललेया धबै स्‍वाद आखा, धै तो केरै आत्‍हुब तयाम्। छाबै चज बैरु भ्‍योंवासि म्हिमैंए प्हलेइ प्‍लेवाब्‍मुँ।

यूहन्‍ना 15:20

केब्छैं ह्रोंसए क्ल्हे भन्दा थेब् आत बिसि ङइ क्हेमैंने बिबै ताँ मैंन्। म्हिमैंइ ङ ह्रुगुदिइ बिस्याँ क्हेमैंलाज्यै या ह्रुगुदिब्मुँ। चमैंइ ङए ताँ ङिंइ बिस्याँ क्हेमैंए ताँ या ङिंब्मुँ।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

चेला चिब्मैंए केमैं 13:1

एन्‍टिओखियार्बै चर्चर अगमबक्‍तामैं नेरो लोमिंबै म्हिमैं मुँल। चमैं बारनाबास बिब, काला बिबै शिमियोन, कुरेनीथें लुकियस, धै हेरोद म्रुँने बालु फारबै मनेन बिब नेरो शाऊलै या मुँल।

चेला चिब्मैंए केमैं 13:36

चु ताँ दाऊदइ ह्रोंसए बारेर बिब आङिं, तलेबिस्‍याँ दाऊदइ ह्रोंसए पलोर परमेश्‍वरजी बिब् धोंलेन् के लसि सिइ। धै चए खेमैंने बालु पावाइ, धै चए ज्यु क्राँयाइ।

चेला चिब्मैंए केमैं 2:47

झाइले परमेश्‍‍वरए मिं क्वेदै, ताँन् म्हिमैंउँइँले मान योंमल। धै प्रभुजी त्हिंइ ह्रोंसे जोगेमिंबै म्‍हिमैं चमैंए फिर थप्‍दिमिंब्रें लमल।

चेला चिब्मैंए केमैं 22:20

चमैंइ क्हिए ग्वाइ पिंबै स्‍तिफनस सैवामा ङै या चमैंने क्ह्रिसि चलाइ सैवाबै म्हिमैंए क्वें रुँसि टिल।’

चेला चिब्मैंए केमैं 26:10

ङइ यरूशलेमर छान् लइ। ख्रो पिंबै खेगि चिब्मैंउँइँले हग योंसि प्रभुए म्हिमैं झेलर झोंब् मत्‍त्रे आङिं, चमैं सैवामा ङै या चमैंने त्हुँल।

चेला चिब्मैंए केमैं 5:18

धै चमैं क्हासि झेलर च्युवाइ।

चेला चिब्मैंए केमैं 5:20

“मन्दिरर ह्‍यासि खोंयोंन् बिलै आखाँबै छ्ह योंबै ताँमैं ताँन् म्हिमैंने बिद्।”

चेला चिब्मैंए केमैं 5:33

चु ताँ थेसि चमैं बेल्‍ले ह्रिस खसि चमैंलाइ सैल् म्हैइ।

चेला चिब्मैंए केमैं 5:40

छले चमैंइ गमलियलइ बिबै ताँ ङिंइ, दिलेया चमैंइ कुल्मिंबै चेला चिब्मैंलाइ न्होंर हुइसि धोंइ, धै चमैंने बिइ, “येशूए मिंर खोंयोंन् बिलै तोइ आपोंन्!” छ बिसि चमैं पिवाइ।

चेला चिब्मैंए केमैं 7:38

इस्राएलीमैं क्यु आयोंबै क्ल्ह्‍योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।

चेला चिब्मैंए केमैं 7:54

स्तिफनसए ताँ थेसि चमैं बेल्‍ले ह्रिस खसि स ह्राइ।

चेला चिब्मैंए केमैं 7:58

चए बिरोधर ग्वाइ पिंब्मैंइ ह्रों-ह्रोंसए क्वें प्लिसि शाऊल मिं मुँबै फ्रेंसिए प्हले ङाँर थेंइ। धै चमैंइ स्तिफनस सहरउँइँले बैरु तेइ बोसि युँमाइ ल्हिइ।

चेला चिब्मैंए केमैं 8:14

सामरियाथेंमैंइ परमेश्‍वरए ताँ क्वेंइ रो बिब् थेसि यरूशलेमर मुँबै कुल्मिंबै चेला चिब्मैंइ पत्रुस नेरो यूहन्‍ना चमैं ङाँर कुलइ।

चेला चिब्मैंए केमैं 8:2

परमेश्‍वर म्हाँदिब्मैं को-कोइ बेल्‍ले क्रोदै स्तिफनसए सिनु बोसि छगोंर पाथेंइ।

चेला चिब्मैंए केमैं 8:4

च त्हेर प्हुँयाँबै चेलामैंइ खन्तोंदोंन् ह्‍यासि येशूउँइँले खबै सैं तोंबै ताँ बिप्रइ।

चेला चिब्मैंए केमैं 8:5

फिलिप बिस्याँ सामरिया ह्‍युलर्बै सहर घ्रिर ह्‍यासि चर्बै म्हिमैंने परमेश्‍वरजी कुल्मिंबै म्रुँ ख्रीष्‍टए बारेर बिमिंइ।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।

रोमी 1:32

छाबै म्‍हिमैं ताँन् सिल् त्हुम् बिसि परमेश्‍वरए छ्वेर प्ह्रिबै ताँ चमैंइ सेना बिलेया चमैंइ च केन् लम्। च्‍हौ मत्‍त्रे आङिं, अझै उल्‍टो च आछ्याँबै के लब्‍मैंने या क्ह्रिम्।

फिलिप्पी 1:12

ओ अलि-अङाँमैं, क्‍हेमैंइ चु ताँ सेरिगे बिसि ङए सैंर ङ्हाँइमुँ: तो ताँ बिस्याँ, ङइ योंबै दुःखमैंइ लमा सैं तोंबै ताँ खन्तोंदोंन् फेनेबै के तइमुँ।

हिब्रू 11:27

बिश्‍वासउँइँलेन् मोशाइ फारो म्रुँए ह्रिसने आङ्हिंन्‍ले मिश्र ह्‍युल पिवाइ, तलेबिस्याँ परमेश्‍वरलाइ आम्रोंलेया म्रोंब् धोंलेन् च भोंसि तइ।