चेला चिब्मैंए केमैं 7:37 - परमेश्‍वरए ताँ तमु क्युइर

³⁷ “च मोशाइन इस्राएलीमैंने बिल, ‘परमेश्‍वरजी ङ त्हाँब् धोंले क्हेमैंए आघें-अलिमैं न्होंउँइँले क्हेमैंए ल्हागिर अगमबक्‍ता घ्रि त्हाँब्मुँ।’

चेला चिब्मैंए केमैं 7:37 ပူးပေါင်းရင်းမြစ်များ

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

मर्कूस 9:7

च तोदोंन् न्‍हाँम्‍स्यो खसि खेंमैं हुवाइ, धै न्हाँम्स्यो न्होंउँइँले “चु ङइ खोबै च्‍ह ग, क्‍हेमैंइ चुए ताँ थेद् बिबै कै थेइ।”

लूका 9:35

झाइले न्‍हाँम्‍स्यो न्‍होंउँइँले “चु ङइ त्हाँबै ङए च्‍ह ग। चइ बिबै ताँ छेनाले थेद्,” बिबै कै चमैंइ थेइ।

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

चेला चिब्मैंए केमैं 7:38

इस्राएलीमैं क्यु आयोंबै क्ल्ह्‍योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।