चेला चिब्मैंए केमैं 7:36 - परमेश्‍वरए ताँ तमु क्युइर

³⁶ चु मोशाइन मिश्र ह्‍युलर, ओल्ग्या मा ङ्युँइर, नेरो क्यु आयोंबै क्ल्ह्‍योरि प्लिच्यु बर्ष समन् औदिबै के नेरो चिनुमैं उँइँसि चमैं मिश्रउँइँले बैरु तेमिंइ।

चेला चिब्मैंए केमैं 7:36 ပူးပေါင်းရင်းမြစ်များ

भजनमैं 95:10

छतसि च त्हेर्बै म्हिमैंने ङ प्लिच्यु बर्ष समा बेल्‍ले ह्रिस खसि बिइ, ‘चु म्हिमैंइ ङए घ्याँ आसेइमुँ, चुमैंए सैं ङ ङाँइले ह्रेंगो तयाइमुँ।’

भजनमैं 95:8

याहवेहजी छले बिमुँ, “क्हेमैंए खेमैंइ मेरीबा नेरो क्यु आयोंबै क्‍ल्‍ह्‍योर्बै मस्साहर लब् धोंले ह्रोंसए सैं सारो आलद्।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 14:21

झाइले खीजी बिब् धोंलेन् मोशाइ ह्रोंसए यो मा ङ्युँइए फिर स्योंइ, धै याहवेहजी म्हुँइँसतिमि स्यारउँइँले खैं कुल्मिंसि मा ङ्युँइर्बै क्युलाइ लिग्याँइ स्योमिंमा क्यु ङ्हिंबाँ तसि मा ङ्युँइर (समुद्र) कारा क्ल्ह्‍यो तयाइ।

प्रस्थान 16:35

इस्राएलीमैं कनान ह्‍युलर फेनेसि टिबै तौदु आतन् समा चमैंइ मन्‍न चरिइ।

प्रस्थान 3:20

छतसि ङ चमैंए म्हाँजोर ङए यो क्वेसि औदिबै केमैंउँइँले मिश्रीमैंए फिर ल्हिब्मुँ। च लिउँइँ च म्रुँइ क्हेमैंलाइ ह्‍याल् पिंब्मुँ।

प्रस्थान 33:1

याहवेहजी मोशाने बिइ, “क्हिए सन्तानलाइ पिंम् बिसि ङइ अब्राहाम, इसहाक नेरो याकूबने बाछा फैबै क्ल्ह्‍योर मिश्रउँइँले फखबै म्हिमैंने ह्‍याद्।

यूहन्‍ना 4:48

दिलेया येशूजी चने बिइ, “क्हेमैंइ थेब् थेबै केमैं नेरो औदिबै चिनुमैं आम्रोंन् समा खैलसे या क्वेंरिब् आरे।”

चेला चिब्मैंए केमैं 13:18

प्लिच्यु बर्ष समा क्यु आयोंबै क्ल्ह्‍योर खीजी चमैं छेनाले ङ्‍ह्‍योमिंइ।

चेला चिब्मैंए केमैं 7:42

छतसि परमेश्‍वर चमैंउँइँले एसि, ‘चमैंइ मुसारा, त्हियाँ, लयाँ नेरो ग्रहा-नक्षत्रमैं फ्योरिगे’ बिसि पिवाइ। चुए बारेर अगमबक्‍ताइ ओंसोंन् प्ह्रिइमुँ, ओ इस्राएलीमैं! क्हेमैइ प्‍लिच्‍यु बर्ष स‍मा क्यु आयोंबै क्ल्ह्‍योर ङए ल्हागिर खेदोए ख्रो नेरो भेटिमैं पिंल् वा?

हिब्रू 3:8

क्‍हेमैंए खेमैंइ क्यु आयोंबै क्ल्ह्‍योरि परमेश्‍वरए बिरोध लब् धोंले क्‍हेमैंए सैं सारो आलद्, च त्हेर चमैंइ परमेश्‍वरए सैं फो (जाँच) किंब् धोंलेन् क्‍हेमैंइ खीए सैं फो किंबै के आलद्।

हिब्रू 3:9

च क्ल्ह्‍योर प्लिच्यु बर्ष समा क्हेमैंए खेमैंइ ङइ लबै केमैं म्रोंसेया ङए सैं फो किंबै के लइ।

हिब्रू 8:9

चु बाछा ङइ चमैंए खेमैं-माँमैंने फैबै बाछा धोंब तरिब् आरे। च त्हेरि ङइ चमैंए यो क्‍हासि मिश्र ह्‍युलउँइँले डोरेसि पखल। दिलेया ङइ फैबै बाछाए ताँमैंर चमैं दरले टिल् आखाँ। छतसि ङइ चमैंए वास्‍ता आल,” बिसि याहवहजी बिइमुँ।